|
رد: سؤال للأمهات المنتسبات للجامعة
الحمد الله انا نطامي تعدل الحين وصرت اشوف محاضرة وحده كل يوم
قسمت المواد على ايام الاسبوع سويها مثل الجدول وانزل المحاضرات واجهزها مع محتواها
عشان يصير اسهل لي في المذاكره ومتابعه الدكتور وكتابه الملخص
الي حابه تمشي معاي على جدولي تتفضل هذا الجدول
السبت -احصاء(( هالماده حيل حلوه وممتعه جداا تعلمنا اشياء احنا نشوفها في حياتنا بس مانعرف كيف نستخرجها حلو انك تنظم بيانات وتعدل وترسم رسم بياني بالنسبه لي هالماده لزييييزه اوي وطبعا المذاكره من المحتوى + المحاضرة والكتاب الي قال عنه الدكتور مجرد مرجع للي حاب يطلع على معلومات موسعه من الماده ))
الاحد- مبادئ التربيه((يبيلها شويه تركيز وتمشي حبه حبه مع الدكتور الماده حلوه وتعلمج اساليب التربيه كانه يتكلم عنا من طفولتنا لكبرنا لحيانتا الحين ..يخليج تشوفي كيف تربيتي انتي وكيف كبرتي على مبادئ معينه نشأتي عليها اربطي كل ماده بحياتج وبتشوفيها حلوه ..والمذاكره من المحتوى + المحاضرات مالها لا كتاب ولا شي))
الاثنين - الصحه واللياقه (( هالماده عسل على القلب كانها ماده علوم حق الصفوف الابتدائيه والله تعلمج اشياء وتفتح عيونج على اشياء احنا غافلين عنها والمفروض نمارسها بحياتنا اليوميه والمذاكره من الملزمه انا حملتها من موضوع القناص 2 كامله وحلوه بس مسكيها ولخصي مع الدكتور وكتبي الاشياء المهمه ))
الثلاثاء- تحرير عربي (( مايبيله كلام لانه كله مراجعه لماده القواعد والنحو من رابع ابتدائي لثالث ثانوي بس بشكل مبسط والدروس القادمه الترقيم وغيره تراها حيل ممتعه يعني حتى هذي الماده جدا حلوه وتعلمج اشياء كثيره عن اللغه ناس كثير مايطبقونها والمذاكره طبعا من المحتوى والمحاضرة ))
الاربعاء-تربيه خاصه((هذي الماده الي ماتحبها او مو بالعتها ماله داعي تدخل تخصص التربيه الخاصه والله ماده تهبل وحلوه حييييييييييييييل وفيها كم هائل من المعلومات لكنها حلوه المذاكره بتكون من الكتاب الي طلبه الدكتور ..مقدمه في التربيه الخاصه للمؤلف تيسير كوافحه... اذا تابعت محاضرة اتحمس للمحاضرة الي بعدها لانها جد ماده حلوه وتخليج تعرفي جميع المسارات وشنو تحتاج عشان تعرفي بعدين كيف تختاري المسار المناسب لج))
الخميس- انغلشش(( طووووووووووووووووط اجازه بنات كلكم روحو بيت اهاليكم وحوسوا بالاسواق وطلعوا الملاهي لين يجي الدكتور :mh01:))
الجمعه-علم نفس ((حتى هذي الماده حيل رووووعه ومواضيعها حلوه وووووووو شنو اقول وشنو اقول يعني اذا تابعت محاضرة خاطري اتابع الي بعدها على طول لانها مترابطه ببعض وفيها معلومات حلوه وشوي كانها دروس ثاني ثانوي بس بشكل مبسط والمذاكره من المحتوى والمحاضرة والكتاب الي طلبه الدكتور مجرد مرجع للي حاب يتوسع في المواضيع اكثر))
وهكذا الحياه وبالتوفيق لللجميع
يالله شدو حيلكم وكل وحده تدخل تكتب انطباعها عن الماده .gif "(204)")
|