ملتقى طلاب وطالبات جامعة الملك فيصل,جامعة الدمام - عرض مشاركة واحدة

زهرة التوليب · 2010- 10- 18

اقتباس:

المشاركة الأصلية كتبت بواسطة ام دحوم

^^

هلا خيــهـ ..

رحم الله والديكـ ..

طيب بعدين لما اتخرج بمسمى اخصاية قلب او تنفس ..ّ!!

اعالج مثلا مثل الدكتور ..

لاني صراحه بحثت بس ماشفت اللي ابيهـ ..

وش اسوي بالمستشفى وظيفتي وش اشتغل ... ..!!

وهل يمكنني اني احول للصيدله او الطب ...لما اجيب معدل عالي ..

ايه ولما ادرس في كلية العلم الطبيه التطبيقيه اقدر بعدين اكلم دراسة ماجستر واصير دكتورهـ؟؟

لاعدمتـــكـ ..

عدنا بعد محاولات فاشلة للنوم ^^"

شوفي ..
القلب .. بشكل عام تصوير قلب
عندش سنة رابعة تختاري فرع تتعمقي فيه اكثر ( تكوني دارسة البيسكز حقه في 2،3 بس في رابعة تختاري التخصص الا تدرسيه بعمق وتتخرجي اخصائية فيه )
1. قسطرة القلب .. ماراح تسوي عملية القسطرة بنفسش
انما راح تساعدي الدكتور المتخصص ،، عمليات تجهيز المريض ادخال القسطرة اعتقد بعد
الحلاقة اذا استلزم الامر .. الخ الخ .. اي شي غير انش تسوي العملية

دائما تشتغلي مع الدكتور

2. تصوير القلب بالموجات فوق الصوتية .. زي تصوير الجنين بس الى القلب ^_^
غالبا بتكوني تقدري تتعرفي على المرض الا فيه بس ماحد بيطلب منش تشخصي
الا في حالات قليلة ممكن انش توصل بهم الثقة فيش انش تشخصي الحالة
غآآالبا تحت اشراف طبيب

3.طب القلب النووري... تحقني المريض بمادة مشعة+سكانر وتتبعي السكانر بالجهاز عشان تصوري القلب والاوعية الدموية .. الشغل مع اشراف دكتور اعتقد بعد :p

بالنسبة للرعاية التنفسية
في عندش علاج طبيعي للجهاز التنفسي
مختبرات وظائف الرئة
غرف الطوارئ والعناية المركزة ..
التعامل مع اجهزة التنفس الصناعي هو لب التخصص

والتخصص حركي مرة :)

بالنسبة للتحويل اتوقع اي ومافيه مشاكل بعد ^^"
التحويل مو مسألة صعبة اذا حققتي الشروط وجبتي معدل عالي
بس لازم تدرسي السنة كاملة لانش بتحولي الى خارج الجامعة :)