|
انصحوني انا بهم مااحد يعلم فيه غير رب العالمين
اهلين بنات والله ماسجلت بالمنتدى الا عشان اكتب هالموضوع واكتب لكم معاناتي
بقولكم الموضوع كله باختصار .. انا اللعام كنت تحضيري يعني هالسنه اول سنه تخصص
المهم اني مثلكم كلكم دخلت للكولج وانا مااعرف احد عاد انا الحمدلله اجتماعيه واخر
همي اني اتعرف لان هالموضوع سهل علي لكن تفاجات لمى دخلت بتفكير البنات
وصار هم كبير اني اتعرف وكذا المهم الحين بقولكم سالفه صارت معي اللعام وللحين
اثرت فيني مو كثير طبعا بس والله لها اثرهااا خاصه لمى اشوف البنت اللي صارت لي
معها السالفه :s9:
والسالفه ياطويلآت العمر ان فيه بويا بالكولج اشهر من نار على علم من دون ذكر اسماء
من دفعه تحضيري اللعام هي شافتني وكنت مع قروب بنات توني متعرفه عليهم وقامت
تعطيني نظرات وماادري شنو انا ماتفرق معي هالسوالف بس كنت ابي اتعرف والبنت مشهوره
وحبوبه والكل يحترمها ويعرفها فـ حبيت اني اتعرف عليها وكنت وقتها مع قروب بنات توي متعرفه
عليهم وهم من النوع الهادي المهم كانت هالبنت كل يوم تجي وتسلم وتسولف وانا اسلك لها
وانا عارفه اللي ببالها عدل المهم مااطول عليكم بعدها بأسبوع كانت كل شوي تجي هي وتجيب معها بنت عشان توريهم اياني المهم جات مع وحده من صديقاتها وقالت لها
: وش رايك بهذي صديقتها قالت: ياعمي بس شوفي اشكال ربعها لآلآلا اكس وبقوه
انا وحده الشكل مايهمني اهم شي اني اتعرف وافلها وانبسط المهم القروب اللي معي
كانت اشكالهم لكم عليها وربي انها ماهمتني بس من يومها عرفت سياسه الكليه شلون
ماشيه الكل يحكم على الشكل يعني كثير لمى يشوفوني يسلمون ويتعرفون ولكن لمى
يشوفون قروبي ولآكأنهم يعرفونني المهم مااطول عليكم انا وحده دااااااجه واحب الاستهبال
والدجه وسعه الصدر وقروبي كان نايم كل يوم انا اللي ابتكر حركات واستهبالآت واعلمهم
والا هم .gif "(154)") لا لهم ولا عليهم كانوا باردين وبقوه وجننوني معم المهم وبألآخير خلصت السنه
ويوم جات السنه الجديده كل وحده فيننا انقبلت بتخصص غير وحتى الشله النايمه سحبت
علي مع اني سحبت على بنات كثير بسبب اني تمسكت فيهم طنشت وقلت يلآ قدر
مشكلتي الحين اني ماعندي ربع انا ماكتبت الموضوع عشان اكسب فرندات والا اكسر
خاطركم علي انا وحده صرت اكره الكولج لمى ادخل اقول اوف متى تخلص محاضراتي واطلع
والله لو تشوفونني برى الكولج اضحك من قلب وشلتي اصلآ كبيره وانا اجتماعيه وبكل مكان
عندي فريند بالنآدي والمعهد وكل مكآن بس الآ الكولج المكان اللي اقضي فيه نص يومي
والله انو بالهاي سكول ماكنت كذا شلتي كانت كبيره وماكنت احتار بمشي مع مين الحين
من تخلص المحاضره اقول اوف الحين بجلس لحالي 
طوال الشهر اللي فات كنت لحالي .. بنات وربي وربي اني تضايقت وصرت اكره الكولج
احيان كثيره افكر اسحب ملفي حتى ماني مستوعبه الدراسه وابي اطلع وانقهر لمى
اشوف شلل بنات ويستهبلون ويضحكون ابي اصير مثلهم :s9:
المهم مالكم بطوله السيره انا ابي اتعرف يعني ابي اروح للبنات او لشله معينه واتعرف
عليهم شلون وش اقول لهم <<< احسني بزر باولى ابتدائي
ابي اروح لشله معينه واتعرف عليهم وادخل بينهم شلون !!
والله اني ماكتبت هالموضوع الآ بعد مايئست من كل شي حولي ..
اتمنى تردون علي وماتطنشون الموضوع وياليت ماينحذف لاني مالي غير الله غيركم
وانتو عارفين البير وغطاه وانا حتى ماعندي خوات اشكي لهم انتو خواتي :s13:
|