السلام عليكم ورحمة الله وبركاته ،،،
اخواني واخواتي الاعزاء ،،
من اول يوم سمعت فيه المحاضره طرا في بالي اشوف لي طريقه سهله اقدر اكون متواصل فيها معا الماده العلميه بدون ما اكلف نفسي عناء مقابله جهاز الكمبيوتر وتوصلت الى طريقه اعتبرها شخصيا جيده جدا وهي على ثلاث مراحل :
المرحله الاولى : الاستماع الجيد للمحاضره مرتين تقريبا ( كل شخص على حسب استيعابه للماده وفهمه لها ) .
المرحله الثانيه : انزل محتوى المحاضره ( ملف البوربوينت للمحاضره ) وأبد في شرح نقاطها على نفسي بواسطه الكتابه اكثر من مره .
المرحله الثالثه : ( طبعا كل واحد فينا عنده سياره وفيها سي دي او حتى مكان للفلاش مومري يشتغل عليه مسجل السياره ) فيه رابط يحمل اسم ( تنزيل الصوت فقط ) نزل الصوت وحاول تحفظه على فلاش مومري او على سي دي وشغله في السياره بدال الراديو او الموسيقى .
بالنسبه لاخواتنا الطالبات لانهم لا يستعملوا السيارات تقدر تشتري الهيدفون المسجل المتنقل وتشغله في اي مكان تكون متواجده فيه.
اتوقع وهذا رأيي الشخصي ان اي واحد بيطبق المراحل الثلاث هذي انه ما يحتاج في وقت الاختبار اكثر من ساعه للدراسه لانها اصلا ما طلعت من راسه ومرافقه له في كل مكان .
ودمتم ،،،