صعب لا منكـ "فشلت" وصعب لا منكـ "لقيت"..
ان من |يكرهـ نجاحكـ| يدري انكـ ما نجحت..
امس ضقت ورحت اقلب ذكرياتي وانتهيت..
عند صورة [طفل] صوته مثل صوتي لا انجرحت..
وش مثل لا والله الا هذا /انا/ يوم ابتديت..
انطق حروف تلعثم في لساني لا انمدحت..
هذا انا يوم الحياهـ بنظرتي عشرين بيت..
ومسجدين ، ومدرسه من طين كم فيها اصطبحت..
هذا انا واصبحت اتمتم هذا انا حتى بغيت..
"اختنق" بس القدر عيا على موتي وطحت..
وصاح صوت الطفل فيني مين انت ومن وين جيت؟!..
قلت انا المستقبل الي فيه كم همت وطمحت..
امس كنت ابيكـ تكبر بس والله لو دريت!..
انك الي عشت لجله {مت} عندكـ واسترحت..
لو دريت ان الزمان يجر رجلي |ما عديت|..
ولو دريت ان البحور بلا مواني |ما سبحت|..
كان دربكـ لي طويل وكل ما شفتكـ هويت..
قلت لكـ كبوة جواد وما كبيت ولا جمحت..
ليه تسمعني وتمشي؟!آآهـ ليتكـ ما مشيت..
و آآهـ ليتكـ من كثر عثرات الايام انتصحت..
ضاعت احلامي وظل الحزن فيني واهتديت..
لطريق الي يوديني على دمعي و رحت..
يا الحزن ليتكـ مثل دمعي وتنزل لا رقيت..
بس اعرفكـ لو مسحت الدمع |تبقى| ما انمسحت..
كان حلمي في وجود انسان "يبكي لا بكيت"..
وصار حلمي في وجود انسان "يضحكـ لا ضحكت"..
كنت اشوف الناس مثلي كل ما جعت وضميت..
ما دريت ان الاوادم ناس فوق↑ وناس تحت↓..
آآهـ يا اول ذكرياتي خذني بحضنكـ نسيت..
لا اسئلكـ عن وجه |ابوي| الي معه ياما سرحت؟!!..
خذني بحضنكـ ابغفى ]يآآآهـ مبطي ما غفيت[..
وان لمحت دموع عيني "سو نفسكـ ما لمحت"..
خذني بحضنكـ وبعثر في جروحي وان قضيت..
هز لي كتفي وقل لي "عيب تبكي لو سمحت"!!..
اضحكـ وعلم زماني من انا؟!! ومن وين جيت؟!..
طق باب الحزن فيني واصرخ!! لامني فتحت..
وضمني يمكـ وكمل ضحكتكـ لامن بكيت..