2010- 10- 20
|
#50
|
|
أكـاديـمـي مـشـارك
|
رد: كل مايخص ماده الرياضيات "
الصراحة انا لست ماوصلت للمحاضرة الرابعة بس عجبتني المسائل وطقت براسي أحلها 
بالنسبة لأول فقرتين في طريقتين لحلها وحدة سهلة ومختصرة مدري من وين طلعت لي بس أهم شي انها نجحت 
والثانية بالقسمة المطولة وعاد هذي سالفتها سالفة طويلة عريضة
- مقدار جبري حاصل ضربهما
3س تربيع +14 س ص - 5ص تربيع
واحدهما س+5ص
الحل:
الطريقة الاولى المختصرة:
أول شي: نتخيل المسألة أصلها كيف
(س +5 ص ) ( ........ ) = 3س2 +14 س ص - 5 ص2
يعني مجرد عملية توزيع ضرب عادي بس هنا عندنا العكس عطونا الجواب وأخفوا الحد الثاني في الضرب اللي هو القوس الفاضي
طيب طريقتي هي اني أحلل كثيرة الحدود اللي بالناتج
يعني شوف اول حد 3س2 هي عبارة عن ايش؟ مو عبارة عن 3 س ضرب س؟
طيب هنا عندنا س في القوس الأول معناتها بقت 3س لذلك نحطها في القوس الثاني
وبكذا نكون عرفنا جزء من الحل ويصير شكل المسألة كذا:
(س +5 ص ) (3س ......) = 3س2 +14 س ص - 5 ص2
طيب الحين نمسك الحد الأخير الي هو -5 ص2 ونفس الطريقة نقول هو عبارة عن ايش؟
عبارة عن - ص ضرب 5 ص واحنا بالمسألة عندنا في القوس الأول 5 ص صح؟
خلاص نحط الـ - ص بالقوس الثاني ويصير الحل كذا
(س +5 ص ) (3س - ص ) =3س2 +14 س ص - 5 ص2
وبكذا نكون حلينا المسالة بدون قسمة مطولة
ولاحظ اني ماحتجت للحد الاوسط 14 س ص في الحل :nono:
نجي للفقرة الثانية
2 أ تربيع - 5 أ ب - 4 ب تربيع
واحدهما هو 2 أ + ب
برضو هنا عندك خطا في النقل لاني لما رجعت للشرائح لقيت شكل المسألة كذا:
2أ تربيع - 7 أ ب - 4 ب تربيع
واحدهما هو 2 أ + ب
هنا نستخدم نفس طريقة الفقرة السابقة
نتخيل المسألة كيف بتكون:
(2أ + ب ) ( ...... ) = 2 أ2 - 7 أ ب - 4 ب2 >> هذا كله من المعطيات ماجبت شي من راسي بس مجرد رتبت المسألة .gif "(164)")
الحل: نمسك الحد الاول اللي هو 2 أ2 ونقول انه عبارة عن 2أ ضرب أ
وهنا عندنا 2أ بالقوس الأول معناتها نحط الـ أ بالقوس الثاني ويصير شكل المسألة كذا:
(2أ + ب ) ( أ ..... ) = 2 أ2 - 7 أ ب - 4 ب2
الحين نمسك الحد الاخير اللي هو -4 ب2 ونقول انه عبارة عن -4ب ضرب ب
وهنا عندنا الـ ب في القوس الأول معناها يبقى لنا الـ -4 ب نحطها في القوس الثاني ويصير شكل المسألة النهائي كذا:
(2أ + ب ) ( أ -4ب ) = 2 أ2 - 7 أ ب - 4 ب2
يمكن تكون اول مرة سمعت بالطريقة هذي بس حسيتها اسهل واسرع من القسمة المطولة وعشان تتاكد انها صح تقدر تسوي عملية توزيع ضرب عادي واذا طلع الجواب نفس اللي بالناتج تكون طريقتي صح
نجي للفقرة الثالثة اللي هي:
اوجد قيمة ع التي تجعل المقدار
س تربيع + 8س + ع يقبل القسمة على س + 3
هنا طبعا مابقدر احلها بالطريقة السابقة ليش؟ لان الحد الأخير اللي هو ع مجهول وانا احتاجه في عملية التحليل لذلك راح ألجأ لطريقة القسمة المطولة وصعبة ارسم شكل القسمة المطولة بس بحاول واذا قدرت بحط الحل هنا
فرنساا احس انك تقولين بنفسك وش تحس فيه هذي مع طريقتها ذي خخخ
احس دكتور الرياضيات بينتحر لا شاف طريقتي بس ترى في الرياضيات
تقدر تطلع من المسألة الوحده مليون طريقة وهنا تكمن متعة الرياضيات >> لايكثر :mh01:
|
|
التعديل الأخير تم بواسطة ǺĽ ẕeeห ; 2010- 10- 22 الساعة 03:01 AM
|
|
|
|