|
رد: اسئله عن المبنى والملازم لجميع المستجدات في كليه الاداب
عاد انا بكليه العلوم بس دخلت هنا اتصفح المواضيع
المهم بالنسبه لأسئلتك
الدراسه للانجلش في المبنى القديم وطبعا هم كل مره يطلعون اشاعات ويقولون آداب بينقلونهم كلهم للمبنى الجديد يس للحين الانجلش والتاريخ والدراسات كلهم في المبنى القديم
شوفي اما الملازم مالي علم عنها صراحه
اما سؤالك عن نظام الدراسة هو جامعي والا لا انا اختي الحين طالعه ثاني وهي علوم بس نظامهم السته اللي راحن كان جامعي بس مش كل شي يعني بوضح لك معدلهم مثل الجامعات يعني يحسب من 5 مش زينا من 100 وبعد المادة اللي يرسبون فيها لازم يدرسونها مره ثانيه اما احنا اذا رسبنا في ماده بس نعيد نمتحن بدون دراسه من جديد
وهم لازم تحاسبين على معدلك الجامعي مايقل عن شي معين ماادري بالضبط حتى ماتاخذين انذار لانه لو خذتي عدد معين من الانذارات بتصير سالفه ماادري يفصلونك والا لا
وبعد معدلك للتحرج يحسب من سنه اولى يعني اذا تبين معدلك يصير حلو شدي حيلك من اول اما احنا(النظام القديم) يحسب معدل التخرج بدون سنه اولى
وبالنسبه للجداول العام كان جدول موحد لكن هذي السنه في تاريخ13\9 قالوا لهم انتوا تنزلون المواد على نظام البانر يعني في هذا التاريخ اكيد ببيحطون في الموقع حق الجامعه كل شي عن التسجيل للجدول لانه العام في وقت تسجيل الجداول لطلاب وطالبات جامعه فيصل في الوقع كتبوا ان كليات البنات ياخذون الجدول من الكليه يعني بتشوف وش بيكتبون هالسته بيخلونهم يسون الجدول او لا وانتي تابعي الموقع حق الجامعه وبعد منتديات النقاش حق الجامعه مفيده جدا
اما اللي تسال عن البانر هو نظام يكون لك اسم مستخدم وكلمه مرور خاصه فيك وفيه سجلك الاكاديمي ونتائج الامتحانات تنزل عليه وكل شي عليه
وموفقين
|