المشاركة الأصلية كتبت بواسطة حلا دنيتي

وعليكم السلام ورحمة الله وبركاته ~
يعطيك العافيه رنو موضوعك رائع يفيدنا كلنا و خاصه الجدد ~
انا طريقتي بالمذاكره قبل اولا اطبع الجدول وهو من عمل ابتهالينو جزاها الله خير و ألزقه بمكتبي و كل ماشفت محاضره او محتوى اكتب فيه ~ طريقتي بالمذاكره أشوف كل يوم محاضره حسب فضاوتي و مزآجي بس قد ما اقدر ماخليها تتراكم ~
أطبع محتوى المقرر بعد ما احوله عالوورد ( أما الحين صرنا بقسمنا نلخص بس تلخيص شامل للمحاضره لأن المحتوى صار رؤوس اقلام ) و أقرأ المحتوى وأخذ نظره عن موضوع المحاضره بعدين اشوف المحاضره و المحتوى معاي و أزيد أي شرح أو نقطه أكد عليها الدكتور و غالبا أرجع اشوف المحاضره مره ثانيه ~
و كذا مع كل المواد ماعدا العقيده ذاكرتها من الملزمه ~
و كنت أرتب أوراقي بملفات اللي داخله أغلفه شفافه
و أيام المراجعه أسترجع بعض المحاضرات الدسمه ~
أما أيام الإختبارات فهي للمراجعه فقط
انصحكم تذاكرون أول بأول لأن وقت اختباراتنا بالعصر و بعد المغرب ترجعون مافيكم حيل للمذاكره و لا في وقت
يعني يادوب تراجعون فقط ~
شدوا حيلكم واستغلوا اجازه العيد و رتبوا أوراقكم ~
وكل عآم و انتوا بخير مقدمآ
~