ملتقى طلاب وطالبات جامعة الملك فيصل,جامعة الدمام - عرض مشاركة واحدة

عسولة الشرقيه · 2010- 10- 23

اقتباس:

المشاركة الأصلية كتبت بواسطة هدوء البنفسج

عسوله حبيبتي
انا من الحسا وكل يوم طاقة مشوار للدمام
ومعاي بنات
وخاصة انا ساكنه قريب من خط قطر
والباص بس يشوف مطبة يركض لها مع الدعس 140 ماتشوفين روحك .................. :s13:
وانتي تدرين ان الكلية في نهاية الدمام
هذا او لا
ثاانيا
الدواام مو حلو حرام ندرس كله انجليزي ومس وحدة تدرسنا
وش شايفينا
انا اعرف في الكليات الثاانية يدرسوا كورس انجليزي
لكن المس تتغير ويعلمونهم الكتابة وكل شي
مو احنا يوم الاربعاء سووا لنا تحديد مستوى
انا في الاسئلة امشي فيهم
لكن جانا الكتابة
السؤال يقول انا في وحدة دعتنا لسينما ورحنا وانا لازم ارسل لها واوصف لها اللي شفت
انا من الدفاارة كتبت انا اسفة انا مااقدر اجي معك المرة الثانية ان شاء الله
المس قالت تعلق على الاملاء وخاصة الرايتنق تقول حرام
ناس حلولهم كويسة بس في البرروقرام زفت
قالت ولا وحدة كاتبة عدل حطمتنا بقووة

وانا سألت وحدة من كلية المانع وش تدرسين تقول بس انجليزي
ماعندنا الحاسب وباقي المواد تقول السمستر الثااني
صح كلامها ولا لا

والاهم من كذا

اللايبرري وش قصة امه داعسينه لنا في وسط المحاضرات انا ابي افهم
بريك بعده لايبرري
وفي الايبرري نجلس فاضيين

قولي بذمتك تبيني استانس وانعجب بالدواام

بس البنات حليواات حبيتهم

**********

اقول ترست اخااف لما لهفا تناددي على حليب السعودية
وتجي وتطلع تروعها
مو ناقصين البنت تروح من بين ادينا :nono:

بس خليتني اضحك لما قلت اذا ناديتي بتشوفيني :mh01:
مع اني فاايخة

اووف والله حااااالتك أليمه

ياختي مشووار من الحساا لللكليه وتعب غيررر ان الدوام لحاله متعب

هوو صح تحطمك لما تقوول انه عندك اغلاط لكن صدقيني ياقلبووو

ان هذي اللي تعلمك اغلاطك من البدايه هي اللي تخليك تتحمسين انك تقهرينها وتصححين

لان انا ماشي حالي بالانجلش والعام درست بمعهد طبعا كانت طووول الوقت تقول لي المس قود قود وانتي شاطره وانتي وانتي وطلعت مثل مادخلت لاتطورت ولا شي هع والله من كلامها

صرت خلاص ايوا انا كويسه وخلاص مااتعب على عمري
غير انو زي حالتكم الحين 4 ساعات مع مس وحده ومش اجنبيه يعني ماتجبرنا نتكلم انجلش

..

مممم

احنا الحين بالمانع ندرس ترم انجليزي واللي يدرسوناا مو بس وحده
2 مصريات
وحده فلبينيه شكلها

بس مو راضيه تعلم من وين هع
ووحده هنديه هذي ممتازه
ووحده باكستانيه

بصراحه حلو التنوويع بالمدرسات والجنسيات عشان نتعلم
والدراسه لين الحين تمام كل سبت عندنا اختبارر

... اذا ودك تجين معناا حياك ِ

... بس اتوقع اكتفو بالعدد :mh01:

والله ودي اجمعكم كلكم معاي ههههههه من جد حبيتكم ياالدووبات