انا ضد قرارهم ذا
وين الوقت اللي بتفضي نفسك فيه
وبعدين عندك اكثر من شغله لو انها واجبات فقط كان قلنا معليش
لكن حضور محاضرات مسجلة و تحميلها و حضور محاضرات مباشرة
ولازم تفضي نفسك لا وبعد تشارك وترد بالمنتديات
ياناس حنا عندنا وظيفة و مسئوليات و عيال نربيهم و نذاكر لهم ومقاضي نجيبها<<<<<< ياكرهي للمراسيل
وهم يحسبون انه متفرغين للدراسة حنا يالله نحاول نتابع المحاضرات ونقول بنشد حيلنا في الاختبار .
وغير كذا يااخوان افرضوا اني انسان مجتهد واحل الواجب و ارسله بوقته واحضر المحاضرات بوقتها ممتاز
لكن ماشاركت و لا سألت في منتديات الحوار الخاصة بالمادة أو راسلت استاذ المادة هل من العدل افقد كم درجة علشان عدم معرفة من الدكتور بمستواي الحقيقي و الاعتماد على تقارير الكترونية .
يعني ينخفس معدلي و درجاتي في المواد علشان ينبسطون .
تحياتي لكم