|
رد: بخصوص القار وماهو مقصود بالمنتدى
السلام عليكم و رحمة الله وبركاته
لكثرة الاستفسارات حول موضوع طريقة المشاركة في منتديات الحوار في البلاك بورد و خاصة بعد أن أصبح هناك 10 درجات على المشاركه فيه في مادة تطبيقات الحاسب حبيت أحط لكم طريقة المشاركة في المنتدى و الدكتور ماشاء الله عليه يجاوب على الأسئلة مباشرة يعني تحط السؤال اليوم يجاوب عليك بكرة و هذا عن تجربة
و هذي هي الطريقة ..
1. ندخل البلاك بورد و نختار المقرر مثلاً ( تطبيقات الحاسب في التعليم )
و نلقى رابط منتديات الحوار و ندخل عليه
2. بعد ما ندخل نلقى ثلاث روابط .. لوحة مناقشة المادة - لوحة مناقشة الاختبارات - لوحة مناقشة الواجبات .. عاد نختار اللي أحنا نبي نسأل فيه ..
3. بعد ما ندخل نلقى أيقونة مكتوبة فيها ( أنشاء سلسلة رسائل ) نضغط عليها ..
4. بعدها راح تطلع لنا صفحة نكتب فيها أسم الموضوع أو السؤال و نكتب السؤال اللي نبيه مثل المشاركة العادية في المنتديات و بعدين فيه أيقونة مكتوب فيها ( أرسال ) نضغط عليها
وراح نلقى السؤال اللي أحنا كتبناه موجود في قائمة الرسائل ..
أتمنى أني أفدتكم و أن شاء الله أنكم تجربون الطريقة و تشاركون عشان تأخذون العشر درجات في هذي المادة أو إذا كان عندكم أي أستفسار لأي دكتور في أي مادة أنكم تحطونه
و لا تنسوني من الدعاء
|