شوفي يا حلوووه بخصوص الماث انا بقولك تجربتي والك الحكم لاني درست تحضيري واعرف كيف يتغير الوضع عليكم ولا احد يرحم
طبعا السنه الأولى
في كورس رياضيات عامه 1 وفي كورس تفاضل وتكامل ( للترم الثاني لطالبات الكيمياء والفيزياء)
انا بالنسبه الي كان الجينيرال ماث مع دكتور من المغرب العربي ولا نفهم عليه يعني كلامه غير مفهوم وفوقه شبكه وكنا نعاني معاناه فظيعه والمعيده كان اعتمادنا عليها رغم ضيق الوقت واحيانا ً كانت تساعدنا وتلخص معنا أهم القوانين واحنا نكتب معها القوانين ونطبق وبس
والترررم الثاني كانت تعطينا التفاضل منيره الهاجري كانت ضاغطه عالبنات ضغط مو طبيعي وكل اسبوع اختبار وتحط عليه 40 درجه والوقت نص ساعه (( مدري اذا استوعبتو كيف كنا مضغوطين ))
ونجيب درجات في الحظيظ والسبب تعامل الدكتوره السيء وعدم مبالاتها بالشرح ماكانت تشرح مزبوط
بالنسبه للإختبار النهائي كان صدمه ان الاسئله كانت جدا ً تافهه وسهله واكثرها اختياري يعني كنت حاطه فبالي ان الصعوبه بتكون على مستوى الاختبارات القصيره واني ما راح انجح لو إيش بس الحمدلله ربي ساعدني ونجحت فيها
صح بعد في شغله كانت تعطينا تمارين التفاضل نوف الشهاب مره كانت رائعه وتساعد
يعني حبيبتي عندك كذا وسيله عني بصراحه سمعت بنات تعبو وراحو لمعلمات خصوصيات بس حملو الماده لان ربي كتبلهم وفي بنات ماحلو زين ونجحو ورغم هذا في بنات تعبو ونجحو
يعني ما في مقياس محدد بصراحه ودكتورتكم أنا صديقتي بقسم الرياضيات تمدحها تقول محترمه وتساعدنا
المعنى حاولو تتقربون الها وتطلبون منها تعطيكم واجبات ترفع فيها درجاتكم او تعيدلكم الاختبار لو كان ميد تيرم ولو كان اختبار من كذا اختبار ان شا الله بتعوضونها
اي صح اللي تحمل ماده وحده بس على حسب باقي المواد يعني لو كانت بي بلس أو بي أو اي أو اي بلس الخ يتحدد المعدل وانا اقولك في بنات حملو الرياضيات ومعدلهم بقي في ال 3 و نص يعني ان شا الله خير :)
وبالتوووفيق