ومالذي سيمنع أحدنا من دخول البلاك بورد وتسجيل حضور في المحاضرة المباشرة؟
انا اجاوبك على هالسؤال بالذاتـ ..
الاشياء الثانيه مقدور عليها بس المحاضرات المباشره فيه ناس عندهم اشغال مايقدرون يدخلون
على المحاضرات المباشره بهالاوقات اللي تحدد مسبقاا
وقالوا يبي يعلنون عن المحاضرات المسجله قبلها بفتره واعلنوا قبلها بيوم << هذي الفتره اللي يقصدونها
مايمدينا نسوي شي حتى اللي عنده شغل ولا شي مهم بنفس الوقت ماراح يقدر يتصرف ويأجله
هذا واحد
والشي الأهم ان الحين فيه محاضره مباشره والساعه 9 الا ربع
وكم هائل من الاعضاء متسنترين عالموقع من قبلها بساعه والمصيبه ان المحاضره مو راضيه تفتح
قالوا حملوا الجافا حملناه وهم مو راضيه تفتح << ننحسب غياب وحنا مهتمين وقاعدين بحوسه
من قبلها بساعه نحاول وماشتغلت والبلا من الموقع ..
وفيه ناس من للي فتحت لهم المحاضره يقولون ان الطالبات موجودين بس الدكتور مو موجود
مع العلم ان الساعه الحين 9 الا ربع والمفروض وقت المحاضره من الساعه 8
يعني انا بكذا ماضمنت درجات المحاضرات المباشره اللي انا مافوتتها برغبه مني .. بل لخطأ حاصل
بالمنتدى او الضغط الهائل الواقع عليهـ
يعني بهالحاله بالله وش نسوي .. انا مو متوتره ولا خايفه ان تفوتني المحاضره لان كثير مثلي ..
بس حرام ننحسب غياب وحنا متحمسين من الساعه 7 وحنا نحوس
آخرتها ماتنفتح المحاضره المباشره ..
والله حرام