ودي أقول
إخذيني اليا عجبتك بس رديني
وان ما عجبتك خلاص اخذيني ما ابيني
ما دامني شفت فيك الطهر والعفة
باعيف نفسي ليامنك كرهتيني
اخذيني لو اعتبر من ضمن اشيائك
وانا بحبك ولا لازم تحبيني
لابي علاقة...ولابي نظرة وبسمه
احساسي بقربك بس يكفيني
ولو اني انضفت لاشيائك غصب عنك
طلي علي يا غناتي لاتخليني
تراي لا جا المصامد ماني بهين
تقول كن العرب لعبه بيديني
شخصيتي من غرابتها وطيبتها
كن الزمن في تحدي بينه وبيني
اخذي الشاعر اللي ما صدق حظه
لا قلت يا حظ وينك قال يا ويني
اخذيني المبدع المتفلسف ... التحفة
مؤمن وتضحك على العالم شياطيني
شهرة شكسبير وافلاطون وانيوتن
لاقلتلي بيت شعر تطيح من عيني
اخذيني العنصري اللي صدق متعنصر
من دون ربعي لو اقطع شرايني
اخذيني اللي ليامنه طلب يعطا
وتكفين لامن طلبتك لا ترديني
تكفين يا غايتي يا بهجة الدنيا
أبحرق قلوب ناس ما تدانيني
اخذيني بكل شوق وقولي احبه
وان شككو فيك ولا في ضميني
وقولي سعد والله انه غالي جدا
ويا جعل فدوه شبابي واخر سنيني
وانا بصدق كلامك واعتنز بالله
وباقول للناس ما يعنيك يعنيني
وانا علي نذر مارخص جيتك... وانتي
نذر على ارقبتك انك ما تخليني