ودي ولكن كيف تحقيق ودي?!!!
عيا زماني لايجي لي على الكيف
لقيت من وقتـي عنـاد وتحـدي
يمرني عمري مثل عابر الطيـف
يامـا تمنيـت الدقايـق تهـدي
وياما تمنيت الشتاء ينقلب صيف
ظلم الليالي مع نصيـب متـردي
تجمعوا واصبحت انا عندهم ضيف
فصلت من خام الشقا ثوب قـدي
كسيت نفسي بالعنا والتحاسيـف
وغديت تايه دمعتي فـوق خـدي
دمعة يتيم ٍ لوعتـه الصٍواديـف
قلبي ومحبوبي مع الوقت ضـدي
كل شي يهون الا صدود المواليف
مادام من حبيـت عنـي يصـدي
والسالفه طالت وراحت سواليـف
يانفس لايـام الجفـاف استعـدي
موتي قهر والا على ضربة السيف