إذن ممكن نتجنّب المشاكل اللي ذكرناها مع النشاط البدني؟
نعم.ممكن نتجنّبها، طالما إننا ممكن نتجنّبها يعني يمكن إنّا نمنعها، إذن تبقى عندي الفوائد المحتمله من النشاط البدني التي ذكرناها من خلال هاتين المحاضرتين، إذن الخلاصه أنه ارتفاع مستوى النشاط البدني والاستمرارية عليه معناها بإذن الله تعالى عدم الإصابة بأمراض القلب والشرايين..
طيب الآن نجي للمرحله الأخرى، عرفنا أهمية اللياقه القلبيه الوعائيه، أبغى أعرف مستواي،هل لياقتي منخفضه؟
طبعاً شيء بديهي إذا إنت ما تمارس نشاط بدني، وعندما أقول ما تمارس نشاط بدني لا أقصد فيه فقط إنك تلبس بدلة التدريب وتروح تجري أو تلبس بدلة التدريب و تروح تسبح، النشاط البدني بمعناه الشامل لا تمارسه على الإطلاق..
يعني بعضهم قد يمارس فلاحه، عمله هو نشاط بدني، فلّاح في المزرعه، أو عمله هو نشاط بدني، يشتغل في الشيل والتنزيل مثلاً: ((التحميل والتنزيل)) فبالتالي أنا أقول اللي ما يمارس نشاط بدني على الإطلاق وإنما نشاطه محدود يتمشّى في سوق، ولّا يتمشى لسيارته، ولّا يتمشى إلى مكتبه، ولّا يتمشى في داخل بيتهم، هذا عارف نفسه إن لياقته البدنيه الوعائيه منخفضه، ما يحتاج نقيسها لكن للتأّكد وهل فعلاً مستوى لياقتك القلبيه الوعائيه مرتفع ولا منخفض ولا يبغاله زياده؟
طبعاً ما نقول إن يبغاله تخفيض لأنه كلما ارتفع كان أفضل لكنه نبغى نعرف مستواك في اختبارات متعدّده لمعرفة مستوى اللياقه القلبيه الوعائيه، راح أختار لك واحد فقط من هذه الاختبارات المتعدده يسموها((اختبار الخطوه لهارفرد))..
هارفرد---> اللي اهيه جامعة هارفرد..
عندهم اختبار هدفه---> تقدير ما نسميه بالاستهلاك الأقصى للأكسجين..
الاستهلاك الأقصى للأكسجين---> جسمك يستهلك الأكسجين، شنو أكثر كمية أكسجين تستطيع إنك تستهلكه، القلب مع الرئتين هم اللي يشتغلون مع بعض لمساعدة الجسم على هذا الاستهلاك للأكسجين..
طيب في قياس مباشر ما راح ناخذه (لأن يبغاله مختبر)، قياس غير مباشر هو هذا أحد الاختبارات اللي تقدّره تقدير، تقدّرلك اللي هوه يعني (كم درجة اللي هوه الاستهلاك الأقصى للأكسجين عندك واللي تعكس لياقتك القلبيه والتنفسيه..
الأدوات اللي نحتاجها---> ما نحتاج إلا لصندوق (صندوق متوازي الأضلاع إن صح التعبير) ارتفاعه هو اللي يهمني، ما يهمني طوله و لا عرضه، لكن اللي يهمني ارتفاعه إنه يصير 41 سم يعني مسطره و10 سم تقريباً،<---1- هذا ايقاع.
2- ميقاع---> الميقاع ما هو؟
طبعاً مساعد هو، يساعدك على ضبط خطواتك في صعود و نزول هذا الصندوق، يعني نقدر نوزنه مثلاً على 30 خطوه في الدقيقه، تشوف نفسك تطلع وتنزل مع دَقَّة الميقاع من الإيقاع بحيث يُوزِن عدد الخطوات، طبعاً قد لا نحتاجه بشكل أساسي لو مو متوفر مو مشكله، أنا أقول خلي صعودك ونزولك بمعدّل معين وراح نقوله: هذا المعدّل تستطيع إنك تضبطه تقريباً بإنك تناظر ساعتك..
محتاجين إلى ساعة توقيت---> وساعة التوقيت:أي ساعه ممكن تستخدمها لمعرفة الوقت..