الاستمراريه في النشاط---> حتى تستمر في النشاط يجب أن تحط لك أهداف قصيرة المدى وأهداف بعيدة المدى..
بعيدة المدى: يعني أنا أبغى أمشي ساعتين (هذا بعيد المدى)..
طيب قصيرة المدى كم؟
أنا ببدأ بـ 15 دقيقه، بعد أسبوعين، 3 (أسابيع)_هذا قصير المدى_راح توصل إلى 20 دقيقه، بعد شهر، شهرين راح توصل إلى 25 دقيقه_هذي أهداف قصيرة المدى_، في نهاية بعيدة المدى في نهاية السنه يمكن تصل إلى ساعتين..
ارجع التفكير دايماً في مستويات البدايه---> بعض الأحيان ندخل في التمرين وتقول: أنا ما أشعر تغيّر شيء، أنا إلى الآن لي شهر أتمرن وما أشعر في تطوّر قاعد يصير، أقولك ارجع في البدايه (بداية التمرين) قبل شهر كيف كان مستواك؟والآن كيف مستواك؟
لمن تقيس اللياقه القلبيه الوعائيه بالاختبار اللي قلناه مثلاً، أو أي اختبار آخر، راح تشوف هناك فارق، بس تقارن بالبدايه مو تقارن قبل بأسبوع..
قبل بأسبوع يمكن التطور محدود لكن قبل شهر مع أصبح هناك فيه تطوّر..
ناقش برنامجك و أهدافك مع الأهل والأصدقاء المقربين---> طبعاً الأهل والأصدقاء نوعين: نوع مُثبّت مُحبّط –ونوع مُحفّز(يعني داعم)..
إن كانوا من النوع الأول ولا تفتح السيره لأنهم راح يقولولك: (ماكبرت إنت – مهبول إنت) تجيك الكلمات هذي، أصلاً ماراح يفيدك بشي، الكلام هذا يثبّطك..
لكنهم إذا كانوا من النوع المحفّز (لا) تقولّهم والله أنا اليوم مشيت 20((ماشاء الله عليك إن شاء الله توصل الـ25))، بالتالي هذي تعطيك "دافعيه خارجيه" نسميها..
تذكّر شنهي أسبابك الأولى للمشاركه---> بداية البرنامج شنو كان هدفك؟؟
قد يكون إحنا الآن في المرحله هذي نقول: (والله أبغى لياقه قلبيه – و إذا صعدت الدرج ما ألهث)
بالمناسبه اليوم الصباح من عمري ((يعني من عمر الدكتور)) التقيته في نهاية الدرج لم يستطع أن يسلّم علي والسبب؟؟
إن لياقته منتهيه، فقط صعود درج دور واحد فإنت كان هدفك..(لا والله أنا أبغى أصعد ثالث دور"إذا كانت عمارتكم فيها 3 أدوار" ثالث دور وأشعر بعدم التعب) هذا هدفك، فدائماً تذكّر ما هو الهدف اللي بديت من أجله..
غيّر النشاط عند الملل---> بعض الأحيان نَمِلْ ترى، غيّر النشاط، يعني أنا كنت مشي، أغيّر المشي إلى السباحه إلى صعود جبل من صعود جبل إلى جري، فبالتالي أغيّر النشاط حتى أبعد عنّي الملل..