|
رد: تحرك البيت حتى لو تطاوعة اركانه خف يلقى ركبه شغفا تذكرونها..؟؟
بسم الله الرحمن الرحيم
ذكرتيني بأيام الدراسه
ياليت ما ضينا يعوووود***يرجع لنا صدق الوعووود
يلا ابدأ ايام الابتدائي كل المواد سيم سيم <<<قلبت هندي
وايام المتوسط كانت الماده الي تعقدني ومطلعه الشيب براسي مادة "التاريخ"
وايام الثانوي كل سنه لوحدها :
اول ثانوي : متعقد من "التاريخ" و "المكتبه" و "الادب"
بعدها دخلت علمي علشان افتك من المواد العله
ثاني ثانوي : مادة "الادب" معاي ومطلعه عيني
وجينا على احلا سنه مرة علي بحياتي ثالث ثانوي
انا من خريجي العام الماضي على ايام الوزارة
الفصل الاول مر علي زي الحلاوه والحمد لله معدلي اعلى من كل سنه مو مصدق حالي 99% وزعلان ليش ما جبت 100% 
ودخلت الفصل الثاني وعلى طول اشتركت مع اربع مدرسين لأربع مواد وكان الامتحانات الشهريه حلاه الى الان
قربت الامتحانات النهائيه وقبلها بشهر ونصف اعلنت حالة الطوارئ عندي والغيت كل الطلعات خارج البيت فقط الى حصص المواد وبديت اذاكر بكل جد واجتهاد وتعب وكرف وبدت الامتحانات وانا باقي لي مادتين ما ذاكرتهم قبل الامتحانات هم : "الحديث" و "الادب"
دخلت اول امتحان كالعاده "رياضيات" وقبلها بثمان ايام وانا جالس على الرياضيات فقط وطلعت من الامتحان ابكي  وما كلمت ولا واحد من ربعي وجيت للبيت وقفلت على نفسي ابكي وكل واحد يطق على الباب ما افتح مابي اكلم احد النسبه راحت حرام عليكم وما جاء العصر الا وانا هديت شوي على كوب ليمون :c8: وبعدها بيومين جاني مدرس الرياضيات يهدي فيني ويصحح لي اجاباتي :011:
وجاء امتحان "الاحياء" يوم الاربعاء من الاسبوع الاول وانا ما اقدر اذاكر عيوني مقفلات لاني نمت فقط بالايام الاولى ست ساعات الين الساعه 9 بالليل شربت قهوه الين انتفخت وبديت ادفر الكتاب وخلصتها قبل لا ادخل المدرسه بنصف ساعه
هكذا خلص الاسبوع الاول وعلى طول نومه الى الليل وبعدها مذاكره ودفره :hahaha_2008:
وخلص امتحان السبت وامتحان الاحد
وبعد ما جيت من اختبار يوم الاحد اكلت وصليت الظهر وبديت اذاكر مادة "الكيمياء" طويله بس حلوه من الظهر الين رحت للمدرسه وانا اذاكر ما خلصت الماده الى قبل لا ادخل الاختبار بشوي والله حتى وجهي تغير وصار اسود والله صديقي ماسكني وانا امشي علشان ادخل القاعه من كثر ما انا تعبان
وخلصت الاختبار بربع ساعه واستغربت كيف الوزاره جابه اختبار زي كذا وطلعت من الاختبار ابوس كل واحد اقابله وقعدت افر بالسياره الين ما تعبت ورجعت نمت
ويوم الاربعا آخر اختبار سوينها زفه عن باب المدرسه ورقصنا وفلينا امها
وبكذا خلصت الامتحانات وخلصت سوالفها والى الان اتذكرها واتمنى ترجع
نسيت اشكرك على الموضوع الحلو  الي ذكرنا بالدراسه وايامها ياحلوها من ايام
|