انا الليل والغربه وكوم من الـورق منثـور
وهاجس ينزف الفكره يفجرها القلـم تفجيـر
تجي فكره بعد فكره نزفها قلبـي المقهـور
ويستقبلها القلم في حينها ماتقبـل التأخيـر
يبي يعبر بها الصحراء يبي يجعل صداها نور
يبي يشرح بها الواقـع اذا ماخانـه التعبيـر
انا ذاك الحزين اللي من احزانه بنى لـه دور
تكدر خاطره مافي حياتـه عامـل التغييـر
انا ذاك المريض اللي عن علاجه عجز دكتور
اخذ عن حالته فكـره بأنـه سـئ التقريـر
انا ذاك الغريب اللي مع الغربه حصل له جور
ضناه الشوق لدياره وشاف من العرب تقصير
مشى كل الدروب وللأسف كل الدروب عثور
قراده حظ ماغيـر القـراده للأمـر تفسيـر