.
,’
البارحه شفتك مثل ما تركتك ..
في عين غيري حلْم وبْحلمي : عْيون
البارحه لو كنت أقدر .. نطقتك ..
لو يطلع اسمك من فمي غير موزون
البارحه طاريك مَرّ .. وسهرتك..
في حِزْن .. واذكر ضحكتك برْق ومْزون
البارحه لاذ اليباس بْشجرتــك ..
وتْساقطت تحته ..عصافير..وغْصون
قِد لي سنين أنساك واغتاب صمتك
واثري أكوّم بالحشا صوت وشْجون
تشرق .. وانا بك أنطفي لا ذكرتك
وتْــفزّ في صـدري مثل نَصْل مجـــنون
إيه والله إني من رحلت افتقدتك
والبُـعْــد مُــرّ ودون مبدا .. وملسون !
من رحت راح العمر كله وسهرتك
حتى ولا أدري وين بالأرض بـ تكون !
.
,’