ألف شكر للجميع بدون إستثناء أحد اللي عطانا معلومه واللي ماعطانا جزاه الله خير
إليكم هذه الردود وأعذروني مااقدر أرد على كل شخص بإسمه لكن تفضلوا هذه النقاط
1/ اللي قال أنه هنا في فايده كبير ويوصل للمعلومه بسرعه أقوله كلامك صح بس فيه مبالغه لانه صارلنا تقريبا شهر نرسل الواجب بالبريد والطريقه خطأ ولاندري من المسئول عن هالشي وأنا من ضمن اللي أرسلوه بالبريد قريت الطريقه وطلعت من المنتدى وطبقتها وللأسف حتى اللي نزلوا المواضيع ماقريت لهم إعتذار عن نقلهم لمعلومة خاطئة ؟؟؟
2/ اللي جابوا طاري الفتن وأنه مضيعة للوقت .. إلخ أحب أقولهم بإذن الله إذا كان في ردود موافقه كثيره راح أفتح الموقع للطلاب فقط حالي حال اللي حطوا ماسنجرات في نظام البلاك بورد لأنه مالقيت إلى الآن ماسنجر للطلاب
3/ اللي ماعنده القدره على التحكم في وقته هذي مشكلته الشخصيه
4/ إصراري وعزيمتي على فتح الموقع كان قبل طرح الإستفتاء لعلمكم فقط , لأنه إذا أستفدنا منه خير وبركه وإذا مادخل فيه أحد قفلته وكان الله غفورا رحيما
5/ النسخه اللي ناوي أشغل فيها المحادثه ماخذين منها لجنة تحفيظ القرآن الكريم بالرياض وهم اللي جابوا الفكره على بالي ورابطهم عندي وأيضا في ناس واجد ماخذين منها لأغراض أخرى ومحرمه والناس معادن.
6 / في بعض الردود في طالب يعاني نفس مشكلتي يدور على قروب طلاب وإلى الآن ماحد رد علينا وعطانا قروب ماسنجر من الأخوان اللي قرأو الموضوع وعددهم أكثر من 500 شخص ماأدري كلهم ماعندهم قروب ولاباخلين علينا بالفائده وكلكم تقولون هنا كل مشكله يجي لها رد ؟؟؟؟؟؟؟
7/ أخواتي الطالبات كل الطلاب المنتسبين أو 95 % منهم موظفين والوقت مايسمح للإنتظار
الكلام يطول يإخواني والمشكله مازالت لايوجد قروب محادثه مباشره إلى الآن.
وصلى اللهم وسلم على نبينا محمد بن عبدالله وعلى آله وصحبه أجمعين