2010- 11- 7
|
#14
|
|
متميزه بملتقى التعليم عن بعد - انقلش
|
رد: مادة الصحة واللياقة
ههههههههههه ام الحلوين هونيها وتهون
سوري ادري تأخرت حيل بس شسوي انقلبت النومه والليله صباحي :mh01:
المهم
الماده ياجماعه ممتعه وكلها معلومات عامه يعني انا لما اقراها اتخيل اني قاعده اتابع حلقه من حلقات التفاح الاخضر.gif "(164)")
اول شي اللي طابعين ملزمتين غير المحتوى الظاهر غاوين تعب على الفاضي
- الدكتور قالها "الملزمه والمحتوى" فقط اي ملازم وملخصات ثانيه مانبيها ومالها داعي
ركزوا معاي
- المحتوى شنو؟؟ اهو الخطوط العريضه اللي يعتمد عليها الدكتور اثناء الشرح و90% منها من الملزمه
لو جربنا نذاكر من المحتوى فقط , ماراح نفهم المعلومه المطلوبه لانه مجرد رؤوس اقلام ولكنها مهمه ==>> مانقدر نستغني عنها
لكن لو رجعت للمذكره راح تحصل نفس المعلومات اللي بالمحتوى ولكن بتفصيل اكثر واضافات اخرى.gif "(204)")
الحين المشكله وين؟؟ ===>> فيه بعض المحتويات غير موجوده اساساً في الملزمه ((مثل اللياقه العضليه"الرابعه" - ونص المحاضره الاولى وبعض المعلومات المتفرقه في بعض المحاضرات))
لكن فيه محاضرات لم تخرج عن الملزمه مثل ((محاضره القوام "الخامسه"- ومحاضرة التغذيه "السادسه")) الا في بعض المعلومات الاضافيه البسيطه
الحل..
1- اطبع المحتوى >> ثم تابع المحاضره وسجل مع الدكتور ما تحس انه مهم وعموماً قليله هي الاضافات من الدكتور عبد الحكيم
2- سكر اللاب واخذ نفس عميق
3- روح للملزمه ونبدأ الحين المطابقه بين المحتوى والجزء المخصص من الملزمه
غالبا راح يكون فيه تطابق كبير >> نحدد هذا التطابق من الملزمه ((تعريفات - نقاط - قوانين جداول))
>>>>>لازم ننتبه بعض النقاط اللي يذكرها الدكتور في المحتوى تجي مابين سطور الملزمه , نحددها ونرقمها<<<<<
*فيه اضافات ممكن نضيفها بخط اليد على حاشية الصفحه بالقرب من المعلومه الاساسيه((يمين او يسار او فوق او تحت))
*وفيه بعض النقاط تعتبر مهمه وغير موجوده في المذكره "او تكون موجوده بصيغه مختلفه"
انا شنو سويت؟؟
اقصها من المحتوى بالمقص مثل ما اهي والصقها على الملزمه في الجهه اليمين ,, مثل صورة الهرم الغذائي + معلومات الغذاء الصحي المتوازن << طبعتها في صفحه واحده وقصيت اطرافها على شان تصغر والصقتها على يمين صفحه 60 من الملزمه
ايضاً جزئية الفيتامينات والاملاح المعدنيه فصيتهم كل جزئيه بروحها والصقتهم تحت بعض يمين صفحه 58
واحياناً اكتبها بخط اليد بشكل مرتب(طبعاً على اليمين)
وهالشي صار في المحاضره السادسه ===>> اهمية التغذيه - واهمية البروتينات - واهمية الالياف - و انواع الدهون .. الخ
بعضها موجود في الملزمه ولكن بصيغه مختلفه
..ملاحظه..
طبعاً الكتابه على اليمين او القص واللصق مو في اي مكان من الملزمه >>> اكيد في الجزء المخصص لموضوع المحاضره, بحيث اذا فتحت مثلا موضوع التغذيه جزء الكربوهيدرات تحصل على اليمين الجزء المخصص من المحتوى لموضوع الكربوهيدرات ايضاً,,
وبجذي يتم دمج المحتوى مع الملزمه بطريقه مرتبه ومريحه للعين والنفس
يبقى موضوع المحاضرات الغير موجوده نهائيا بالملزمه مثل:- اللياقه العضليه + جزء من المحاضره الاولى >> هذا نحتفظ فيه مثل ما اهو "اوراق المحتوى" واللي يبي يدبسها اخر الملزمه..
بهالطريقه نتصرف لاخر محاضره ونحاول ندمج كثر ما نقدر واتمنى ماتزيد اوراق المحتوى معانا
مانحتفظ الا بالموضوعات الغير موجود بالملزمه
امممم بصراحه في بعض المعلومات مختلفه عن الملزمه مثل:-
- حاجة الجسم من الماء
- نسبة الماء من وزن جسم الانسان
(اقروها بنفسكم واكتشفوا الاختلاف) احسن حل نقراهم ثنينهم وناخذ فكره
لان الأسإله بتكون موضوعيه يعني مافي اي مشكله
تمت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
صورت طريقة القص واللصق على اليمين لكن جهازي هذا مافيه بلوتوث
,, اذا فيه احد مافهم الطريقه بنزل الصور باجر من جهاز ثاني
وصدقوني الماده حلوه بس الدكتور يحب يمشورنا شويه ,,
قلت لكم على شان يحسن اللياقه القلبيه الوعائيه عندنا:mh01:
بس احنا قدها وقدود ومراح نتعب ان شاءالله بالمذاكره
وفالنا جميعاً ال A+
|
|
التعديل الأخير تم بواسطة حياة الرووح ; 2010- 11- 7 الساعة 01:43 AM
|
|
|
|