في غروب الشمس والمنظر جميل
شفت موج البحر عآنق هالغروب
وكل عآشق صوب محبوبه يميل
وانتشت بالفرح نبضآت القلوب
إلا قلبي يابحر مرسوم ويل
ذآب وحده والفرح عنه هروب
لي محب ٍ ياهوى دآيم بخيل
كم تمنيته معي يضوي الدروب
ناح قلبي من الألم كنه قتيل
وانتفض هالبحر من دمعي السكوب
قلت أنا يابحر لو همي تشيل
تخفي الأحزآن أو تدفن ذنوب
ردت الأموآج حاشآ مستحيل
ما وسع همك شمآل ٍ أو جنوب
يالوله والشوق يالقلب العليل
كل بحر الحب في صدرك يذوب
وفى غروب الشمس والمنظر جميل
من دموعي ارتوى البحر الصبوب