|
رد: كل مايخص ماده الرياضيات "
المسألة بالصورة السابقة هذا اللي فهمته من السؤال انها تكون بهالصورة
انا حليتها ومابعد شفت المحاضرة فاعتبر هذي محاولة مني
الخطوات الأولى متأكدة منها بس اخر خطوة ماني متاكده الصراحة
أول شي نقسم الأعداد 128 / 2 = 64
المجاهيل كل وحده مع اللي يناسبها
يعني س5 / س-1 احنا هنا بنطرح الأسس لانها قسمة
طيب 5 - (-1) = 5+1 = 6
هذا بالنسبة للسينات
اما الصادات: نطرح الأسس 7 - 1 = 6
اذن: الجذر التكعيبي لـ 64 س6 ص6 =
طبعا الجذر التكعيبي للـ 64 = 4
وهذا تقدرتطلعه بالآلة سهل يعني 4 ضرب 4 ضرب 4 = 64
لكن بالنسبة للمجاهيل كيف نطلع منها الجذر التكعيبي؟
نقول: جذر تكعيبي يعني: الجذر الثالث
في طريقة ثانية لكتابة الجذر غير رسم الجذر وهي انك تخلي الجذر على شكل كسر
يعني لو كان الجذر تربيعي بيصير شكله 1/2
طيب هنا الجذر تكعيبي معناها بيصير شكله 1/3
إذن: 1/3 ( 64 س6 ص6 )
طبعا الـ 64 جذرها الثالث هو الـ 4 بمعنى أننا لما نضرب الاربعة بنفسها 3 مرات بتعطينا: 64
اوكي نجي للمجاهيل س وص
كيف اقدر اطلع أحل المسأله هنا؟
عادة اذا كان عندنا أسين لحد واحد نضربهم في بعض
مثلا 2(5 )3 هنا عندك أسين برا بتضربهم في بعض وبيصير 5 أس 6
لاننا ضربنا الأسس في بعضها
وهنا نفس الشي الأسس اللي برا هي ثلث و 2 و 2
يعني هنا بنضرب الـثلث اللي برا بالأسس اللي على المجاهيل
1/3 ضرب 6 للسين = 6/3 = 2 اذن = س2
1/3 ضرب 6 للصاد = 6/3 = 2 إذن = ص2
الجواب النهائي للمسألة: = 4 س2 ص2
ملاحظة: ترى مو متأكدة من الحل مررة لاني مابعد شفت المحاضرة
فاللي يشوف اخطاء ينبهني
واي فقرة مافهمتها اخوي خالد اسأل عشان اوضحها
|