ملتقى طلاب وطالبات جامعة الملك فيصل,جامعة الدمام - عرض مشاركة واحدة - من انقبل في العلوم للبنات بالدمام علم حيوان أو علم النبات

al7annona · 2008- 9- 6

..عايشه..

اقتباس:

المشاركة الأصلية كتبت بواسطة ;194269

اهلا الحنونه

:)

واخيرا في احد شجعنا على هالقسم

..هلا و غلا عزيزتي..
..القسم ممتع وخاصة للي تحب الحيوانات..
<<تموت بالحيوانات

..candy Doll..

اقتباس:

المشاركة الأصلية كتبت بواسطة ;194269

انا عندي سؤالين عن هذا القسم
شنو المواد اللي فيه؟
واذا تخرجنا شنو بنشتغل؟؟؟؟؟؟
لان اكثر من مرة يقولون لي ان هالتخصص ما له مستقبل

..هلا بك يالغلا..
..مواد سنة أولى بالنسبة لكم انتوا لانكم ماشين على نظام الجامعة تشمل..
..كيمياء فيزيائيه-كيمياء حيويه..
..الإحصاء و الإحتمالات..
..فيزياء<<ناسيه اسم الماده

..
..نبات..
..تفاضل و تكامل<<الاسم تغير صار رياضات او حاجه مثل كذا..
أوليات..
..انجليزي-عربي-ثقافة اسلاميه..<<مواد عامه

..راح اخذ المواد من صديقتي و ارد لكم خبر الأكيد..
..حاليا هذا اللي في بالي..
..طبعا بعض المواد تدرسونها عملي و نظري..
..ومادة الرياضيات يكون لها محاضرة تمارين..

..وبالنسبة للمستقل..بصراحه علمي علمك..
..انتي شدي حيلك و ربي يوفقك..

..طموحه..

اقتباس:

المشاركة الأصلية كتبت بواسطة ;194269

يــــــــــــاآهــلا فيج

أخيراآ أحد جاناآ من القسمـ

انتي قولي كل شي لأننــاآ ماندري عن شي

=)

..هلا بك زوووود..
..انا بالخدمه غاليتي..
..صعب اقول كل شي..
..افضل تسألوني و أجاوبكم..

..moon14..

اقتباس:

المشاركة الأصلية كتبت بواسطة ;194269

هلا اختي اخيرا احد بقسمنا تقولين يعني زين الحمد الله
طيب علميني كيف الدكاترة وفيه معيدات ولالا وكيف تعاملهم مع الطالبات

..هلا و غلا..
..القسم حلو وممتع..
..في الاول راح تتعبين شوي مع اللاتيني و التنصنيف..
..لكن صدقيني مع المذكرة اول بأول..
..شوي شوي يصير معاك عادي وتتعودي..
..يعني مثلا كلمة parazoa..
..طبعا لانك توك سنه اولى راح تقسميها لأكثر من جزء عشان تحفظيها..
<<تذكر شلون كانت تحفظ خخخخخخخ:hahaha_2008:
..تراها تنطق بارازوا..
ومعناها نظائر البعديات..
<<وانتي ما جبتي لهم الا اسهل شي؟؟
..طيب شوفي هالكلمة echinodermata..
..معناها شوكيات الجلد..
او هالكلمة platyhelminthes..
..معناها الديدان المفلطحه..
..صعبة صح!!..

..الأولى تنطق أكينودريماتا..
,,والثانيه تنطق بلاتي-هيل-من-ذيس..
..لكن صدقوني مع الحفظ أول بأول و التعود راح تصير سهله عليكم..
..وبالنسبة للدكاترة..
..الحمد الله كلهم زينات و خاصة المصريات منهم..
..شرحهم حلو وما يظلموا احد..و على قد الشرح تجيك الاسئله..
..تختلف الطرق لكن بصفة عامة كل دكتورة لها طريقتها بالاسئله..
..وترى ابد ما يقصروا..
..اما السعوديات فيبغى لهم صبر بس الكل زين و يساعد..
..والمعيدات..
..الله يجزاهم خير..
..فيه اللي تعطي وجهه و فيه اللي ما همها الا تعطي درسها و بس..
..لكن عند السؤال ما يقصروا..
..فية الحبابه وتاخذ و تعطي مع البنات و فيه اللي لا تعطي و لا تاخذ ولو يحق لها كان طلعت اول ما تخلص شرح..
..لكن مثل ما قلت لمن البنت تسأل ما يردوك خايبه أبد..
..وكمان رئيسة القسم شايلتنا فوق راسها ما تقصر ابد و صدقوني راح تنبسطوا في هالقسم..
..ان شاء الله..

اقتباس:

المشاركة الأصلية كتبت بواسطة ;194269

ايه وسؤال بعد هذا التسجيل في الفصل الدراسي الاول لمستجدات ولالا

..ما فهمت سؤالك عزيزتي..
..يا ليت توضحي أكثر..

..فمـــ الله ـــان..