مرحبا اختي
الله يسهل عليك وعلينا كلنا ان شاء الله
وياقلبي انا حاسه فيك .. وانا اقلك اسمعي نفسك واللي انتي تحسين نفسك فيه ماعليك من كلام الناس لايودي ولا يجيب .. في النهايه كلن ملتهي بعمره .. انتي علمي والا ادبي كله واحد
انا استغرب من استهزاء او استصغار الناس للأدبي رغم انه له كيانه وصعوبته
زي ما للعلمي له كيان وصعوبه تميزه عن الادبي
ياما ناس كثير اعرفهم علميين وفي الجامعه حولوا تخصصاتهم ادبيه يعني الوضع مره عادي لاتتأزمين من نظرة الناس
واللي تقلك تتعبين وانتي تتعاملين مع الأطفال فما بالك باطفال الاحتياجات الخاصه انا اعزيها جدا على تفكيرها
لأن هذا التخصص يحمل من الانسانيه قدر كبير ويالله مااحلى الاجر اللي تاخذينه من وراه
والتخصصين اللي قلتي عليهم مره حلوين
وبالشرقيه موجودين هالقسمين
*التربيه الخاصه موجوده بــ >> جامعه الدمام (كليه التربيه بالجبيل )>> لكن المشكله هالتخصص بس للأدبي
*وموجود بعد بالأحساء جامعه الملك فيصل بس اذا يدخلونه علمي ماادري الله اعلم
* اداره اعمال موجود بالأحساء جامعه الملك فيصل + الخبر جامعه الدمام (بكليه الدراسات التطبيقيه وخدمة المجتمع )
اللي بالخبر مافيها قسم شامل لإداره الاعمال ولكن موجود محاسبه وتسويق وماادري اش فيه بعد من اقسام
بس مردها من الادراه لأنها جزء منها حسب معلوماتي الصغنونه
وأحب أقلك انه جامعه الملك فيصل بالأحساء فاتحين نظام جديد وحلو وهو الانتساب المطور فيها القسمين اللي تبينها عاد انتي واللي تبين بحيث انك تقدرين تدرسين التخصص اللي تبغينه بدون ماتروحين للحساء وتختبرين بالمنطقه اللي انتي فيها سواء كنتي بالخبر الجبيل الرياض جده المدينه وغيرها وتحظرين المحاضرات عالنت
ولكن هالنظام يتطلب رسوم معقوله وشهادتها مظمونه بعد ان شاء الله << مع اختلاف الاراء انه انتساب مش انتظام ولكن من وجهت نظري كله نفس الشي
هذا كل مافي جعبتي حبيبتي اتمنى افدتك وخففت عنك واي سؤال انا حاظره باللي اعرفه
واحب اقلك ربك موجود واستخيريه والجأيله هو ميسر امورك ان شاء الله
ولي باك لك =)