|
رد: كل مايخص ماده الرياضيات "
في خطا مطبعي بالمعادلة الأولى الحد الثاني 13 مو 12
يعني صار شكلها كذا: 2س تربيع + 13 س + 15
إلا اتوقع انه جاب وحلها عادي تحلها بطريقة المقص
يعني تبحث عن عددين حاصل ضربهما الحد الثالث وحاصل جمعهما الحد الاوسط
هنا العددين هما: 3 و 5
بعدين تسوي عملية المقص مثل هالصورة
والحين لو كان معامل السبن تربيع = 1 كان انتهى الحل كذا
بس هنا معامل السين تربيع = 2
إذن عشان نتأكد انو حاصل جمع العددين = الحد الأوسط
نضرب بشكل عكسي في الصورة يعني 2س ضرب 5 = 10 س
ونفس الشي 3 ضرب س = 3 س
نجمع النواتج: 10 س + 3س = 13 س وهو الحد الأوسط
ملاحظة: هالحركة نسويها لما نبي نتأكد ان حاصل جمع العددين = الحد الأوسط
أما المسألة الثانية والثالثة بتلقى حلها بصفحة 14 بنفس هالموضوع
واذا بغيت تحل أي مسألة بعملية المقص تستخدم هالطريقة:
عندنا بعملية المقص حالتين:
أولاً: أن تكون إشارة الحد الثالث موجبة:
طريقة الحل في هذي الحالة:
1- نبحث عن عددين حاصل ضربهما = الحد الثالث
وحاصل جمعهما = الحد الأوسط
2- نجعل إشارة هذين العدين بنفس إشارة الحد الأوسط
بشرط
أن يكون معامل السين تربيع = 1
مثل هذي المعادلة: س2 +س + 42 س
أما لو كان معامل السين تربيع عدد غير الواحد
فتكون الطريقة كالتالي:
نبحث عن عددين حاصل ضربهما = الحد الثالث
ثم نتأكد اذا كان حاصل جمعهما = الحد الأوسط
بضرب كل حد ومايقابله أفقياً ثم جمع الناتجين
ثانياً: أن تكون إشارة الحد الثالث سالبة:
طريقة الحل في هالحالة:
1- نبحث عن عددين حاصل ضربهما = الحد الثالث
وحاصل طرحهما = الحد الأوسط
2- نجعل إشارتيهما مختلفة ويجب أن تكون
إشارة العدد الأكبر نفس إشارة الحد الأوسط
بشرط
أن يكون معامل السين تربيع = 1
مثل هذي المعادلة: س2 +س - 42 س
أما لو كان معامل السين تربيع عدد غير الواحد
فتكون الطريقة كالتالي:
نبحث عن عددين حاصل ضربهما = الحد الثالث
ثم نتأكد اذا كان حاصل طرحهما = الحد الأوسط
بضرب كل حد ومايقابله أفقياً ثم طرح الناتجين
وتقدر تطبق هالطريقة بالمثال اللي حليته الحين
وشوف اذا بتضبط معك أو لأ
|