2008- 9- 9
|
#9
|
|
مشرفة سابقة
|
رد: نماذج لاختبار القدرات والتحصيلي
نسيت أقولكم ترى البنات يدمجون اختبارهم مع بعض يعني بكون اختبارالقدرات والتحصيلي مع بعض بنفس كتاب الأسئلة ومثل ماقلت القدرات بحطوله قسم واحد والتحصيلي 5 أقسام ...
بس يالبنات لاتستانسون إن القدرات جزء واحد وتركزون على التحصيلي أكثر <<يعني لاتصيرون خبلات زيي لأني كنت أحسب إنهم بطلعون الدرجة النهائية من كل الأقسام وأهملت القدرات وركزت ع التحصيلي بس بعدين بيوم النتايج اكتشفت إن هالخمسة أقسام لها نسبة لحالها وهالقسم الواحد يحطوله نسبة لحاله يعني عطو الإختبار كله نفس الإهتمام والتركيز ..
بعكس الأولاد يختبرون كل اختبار بيوم لاوبعد يقدرون يعيدون القدرات 4 مرات واحنا المساكين مرة وحدة وتخب علينا ..<<لاتقولون ظلم لاوالله حتى هم مساكين يدفعون 4 مرات يعني يخسرون 400 ريال :hahaha_2008: :hahaha_2008:
وأصلا النتيجة ماتتغير لهم كثير يعني لوقدر الله زادت نسبتهم بتزيد نسبة أو نص نسبة والجامعات بتاخذ من القدرات 30% يعني تخيلي نسبة وحدة ياخذون منها 30% كم بتصير <<أتوقع 0.3 أتوقع إذا ماكانت أقل لأني ماحسبتها ..
مع إن نادر النسب ترتفع كثير إلا اللي يشدون حيلهم بباقي الإختبارات ويرهقون نفسهم..
شكلي كثرت الفلسفة والهذرة والهرج الزايد .. إن شاالله أرجعلكم بكرة بباقي فلسفتي ..<< والله تعبتوني عاد أبي شكر يليق بتعبي  :hahaha_2008:
أنتو بس حطو أسئلة تدور في بالكم وتحيركم عن الإختبار سواء عن طريقة الإختبار وكيف يحسبون الوقت والتعليمات قبل الاختبار وطريقة الأسئلة أو أي شي ..وأنا بجاوب عليها .. لأني ماأعرف أشرح بدون أسئلة <<مصدقة نفسها
احمدو ربكم إن تجارب الوزارة مابدت بدفعتكم يعني عندكم دفعة قبلكم طاحت فيهم التجارب وتقدرون تستفيدون من نتايج التجارب يعني احنا المساكين أول دفعة بالمملكة تجرب التراكمي وأول دفعة تجرب القدرات والتحصيلي وتجرب النسب الموزونة لكليات الدفعة اللي قبلنا دخلوها بدون حوسة اختبارات ..
والله إني كنت أتمنى أي أحد اختبر قبلي عشان أطيح عليه بأسئلتي 
وأنا حاضرة لأي استفسار تبون تعرفونه وياليت لو إنكم ماتطنشون المذاكرة أو بالأصح استرجاع لمعلوماتكم قبل الاختبار ..<< خذو النصيحة من مجرب والله إني ندمانة لأني دخلت الاختبار على عماي ومافتحت أي شي ..
بس اعتمدت ع الدورة اللي يسوونها لبنات علمي في نص الفصل الثاني وماأحس إني استفدت منها ..<< في أحد قالك قولي قصة حياتك ..
برجع بكرة وبشوف الإستفسارات بس شوي شوي علي لأني بطيئة بالكتابة ..
سييييييييي يووووووو
|
|
التعديل الأخير تم بواسطة دمع حبي ولآ دمعي ; 2008- 9- 10 الساعة 12:00 AM
|
|
|
|