الأقتصاد يعتمد أكثر شي على الفهم ..
وأذا ضعت من ثاني محاضره كيف بتسوي بالباقي ..
أهم شي تشوف المحاضره وأنت مصحصح ..وتحاول تسوي لكل مساله أقتصاديه مثال من حياتنا
وراح تنفهم لك باذن الله ..
مثلا ..بالنسبه للمنحنيات ..بأحاول أشرحها لك بطريقتي وحاول تفهمها
المنحنيات هذه تقدر تقول أنها (مقياس )..
العلماء يحبون يقيسون كل شي .. حتى أشياء ماتنقاس الا لازم يسوون لها مقياس ..أوكي ..
فمثلا واحد عنده مليون ريال .. ويبي يسوي فيها مشروع .. ومحتار مثلا بين محل ملابس .. ومطعم ..
هنا لازم يحسب شي أسمه تكلفة الأختيار .. أيش يعني ؟؟
هي مقدار مايضحي به من مكسب المطاعم(ب) أذا أختار أن يسوي محل ملابس (أ)..
يعني كم كان ممكن أكسب من المطعم .. لو أخترت الملابس .. أو العكس ..
كم راح يكلفني أستغنائي عن المطعم لأني أخترت أنتاج الملابس ؟؟ هذه تكلفة أختياري
فتكلفة الأختيار : تعني مانتحمله عندما لانستفيد من مزايا الأختيار (ب) اذا تم أختيار (أ)
منحنى أمكانيات الأنتاج .. نموذج بسيط يستخدمه الأقتصاديون عشان يفاضلون ويقدرون يقررون أي خيار منهم
أو يستخدمونه مثلا أذا قرروا مثلا يقسمون المليون و يفتحون المطعم مع محل الملابس ..كم يخصصون من الفلوس لهذا وهذا ..
وكيف يقسمونهها ويستفيدون من الفلوس لأقصى حد ..وكم مقدار يقدون ينتجونه أنتاج كفؤ
وكم الأنتاج الي مستحيل يوصلون له بطريقة كفؤة ..
ماراح أقدر أشرحه هنا لأنه يبي له رسم ..
وطبعا في الكتاب مثال واضح ومشروح .. بس أنا حبيت أعطيك بداية تسهل عليك كلام بلغرسه الكثير
وأذا حطيت مثال من حياتنا اليوميه على كل مسأله راح تسهل عليك الحفظ
موقق أن شاء الله .. ترى الأقتصاد يبي له مخ مفتح وقت المحاضرة ..
والدكتور الله يهديه يكثر من الكلام العلمي ومايحط امثله مبسطه توصل لنا الفكره ..
ما افهمها الا بتعب ..