بما ان حضرتي
مواصل ومانمت من البارح
تذكرت ايام زمان ايام الطفوله اهـ بس يا زمان الطفوله
تذكرت سالفه حلوه لي بقولها لكم

انا مولود في امريكا وكنا قليل مره نزور السعوديه
يعني كل بعد سنتين كذا نزورها
بس الحين خلاص من 15 سنه استقرينا في السعوديه

اذكر عام 1414 زرنا السعوديه طبعا في القصيم عمري كان 10 سنوات تقريبا
المهم اني بوقتها ولد ما اعرف بر ومادري وش وصيد وطلعه ع السيارات
كنت حتى الثوب مابعرف البسه يعني ماعرف شي في حركات المكشات
مثلي عايش في امريكا من صغره انا اذا جيت القصيم اخاف انام فيه من المغرب
تحصلني جنب امي كيف اذا رحت لبر

المهم مره قالت امي الله يحفضها بنروح نزور احد قرايب امي مادري وين ساكنين
في بر وماعندهم غير 16 بيت والحاله حاله
والله اني بكيت يوم جاء الليل يوم اسمع صوت الغنم والبعارين ومادري وش
في الليل صار وجهي اللوان من الخوف

جينا عندهم من بكره العصر كذا قالو الشباب اللي عندهم
نروح نصيد ضبان ضب وانا مادري وش ضب اقوله تمساح صغير اول مره اشوفه
المهم رحنا وتصيدنا انا اصلن مانزلت من السياره خايف
بد الليل يضلم جاء وقت المغرب قلت سوى نفسك قوي لاتخاف
المهم وحنا راجعين شافو ثعبان وذبحوه وانا قلبي في بطني ضب وخايف
كيف ثعبان

المهم يتكلمون معي يقلون لي هذا الثعبان اسمه طراد
ليه اسمه طراد ؟

يقلون مايترك يطردك لو بعد سنه ويجيبك وانا اموت من الخوف
قلت في قلبي الحين بيطردني وهذولا بدو يعرفون له
وانا ياحرام وليد نعومي بوقتها جاي من امريكا وش عرفني في الامور هذي

انا مو لابس ثوب مثلهم لابس رياضه
وفيه عشاء في الليل مسويه واحد منهم ماعرفه
جيت وجلست ع طول جنب خالي خايف بس افكر في الطراد هذا الثعبان متى
يجيني واعلم خالي قال لاتخاف ماعليك ابي اروح لمي بس خايف وهم مو جالسين في مجلس
لا ياحظي جالسين بر البيت مسوين كذا فرشات وزوليات والناس جالسين
دقت ساعه الخطر في قلبي
واحط كذا يدي ع فخذي والمس شي ع جلدي زي الثعبان
وانا اصيح الثعبان جاني وماسك الشي هذا مع راسه واقوم اصيح قدام الناس

ويجون عندي الناس وانا ماسكه بيدي ثعبان ع رجلي
واحد معه عصا واللي معه حديده واللي معه ماء وين بيكسروني ذولا
المهم قالو نزل سرواك قلت لا ما انزله قالو نزل لا يعضك الثعبان وانا ابكي
ويجي خالي قال يالله نزل سرواك
وانا استسلم وانزل سروالي بسرعه وراجعه ع طول قلت خلاص مافي ثعبان














































طلع الخيط حق السروال


وطبعا بلاشك طاح وجهي وضحكو علي ضحك
وانتهت السالفه