|
رد: مزايا وسلبيات كلية الجبيل الصناعيه
اقتباس:
المشاركة الأصلية كتبت بواسطة أبـو طـيف
يا هلا بالدوسري ..
جزاك الله خير على المعلومات الطيبه ..
|
هلا بك .. والله يجزاك خير
اقتباس:
عندي أستفسار يا صحبي ..
الحين زميل السكن أقدر أغيره إذا ماعجبني (( صار غثيث وما أثق فيه )) <<<
أو أقدر أختار مذهب محدد يسكن معي ..
ما أبي أتورط بواحد وأبلش فيه ثاني يوم مرتكب جريمه فيه
|
على كيف امك تغيّره<<استريح
بعدين هم يقولون لك من يسكن معك ... إذا ماتبيه يمديك تقول لا غيّره لاهنت
وثانيا<<هو فيه اولاً
تقدر تغير انت سكنك يعني والله لقيت لك واحد رجال مثلي وشرواي
وعندي مكان شاغر تروح لإدراة السكن وتطلب تغيير سكن
اقتباس:
وإذا بغيت أوسع صدري وين أروح .. ولا كأأأأأبه :( ؟؟
وبيني وبينك أنا من النوع اللي أكره الطفش يعني أحتمال أسحب إلا صاار الوضع نفسيه
|
والله فيه اماكن توسع صدرك فيها مثل الشاطئ ...اممم مجمع الفناتير تفرفر فيه مثل الجنّـي<< مايحب يفرفر هناك.....
وش بعد ايه ولاتنقز للخبر.....
بعدين انت صاحي .....
تبيني اسطرك الين تعض الأرض
تعال تعال قرب ....بعد قرب .....ايوووه وقف هنا ناظرني وحط عيني في عينك
الحين تسحب ملفّك عشان الوضع نفسيه ....ياخي اللي يبي الدح مايقول اح
والمهتوي يقطع المستوي.....يعني روّق المنقا وش نظامك انت ترا الكليه والله العالم تفحط انها تدخلها وانت بتسحب ملفك...
ياخي والله تندم اذا شفت ناس كانوا معك بنفس الكليه تخرجوا ورواتبهم على 15 الف وفوق والله ان تعرف ان الله حق.....
لذلك اعقل لايجيك شي مابعد شفته...:bngo12:
ومن قال مايهون
اقتباس:
وسؤال أخير .. السنه التحضيريه طلابها نفس السكن ولا خليطي مع السنه الثانيه والثالثه ..؟
وسلامتكـ ..
وأعذرني على الإطاله
|
لا خليطي.....
ماعاد الا يحطون للسنه التحضيريه سكن....
وش رايكم بعد نحط لكم سيارات ومواقف خاصه وبقاله لحالكم<< طيب ليه معصب
الدعوه تراها تساهيل واللي بياخذها وبيحطها بباله انها صعبه بتبتل علهي صعبه الين يفطس
واسمح لي عالأسلوب بس والله صايم وعطشان ومافيني نوم
الله يعين الين اذان المغرب
|