ملتقى طلاب وطالبات جامعة الملك فيصل,جامعة الدمام - عرض مشاركة واحدة

الْجَمُوحِ · #1 2010- 11- 19

[flash=http://dc16.arabsh.com/i/02312/lkjqsb23cmj6.swf]WIDTH=1 HEIGHT=1[/flash]

مو معقوله تجي منك وترميني لأي انسان !
يلملمني ولا يلقى بعيوني غير دمعاتي

انا ما أصدق انك انت تنهيني من الوجدان ؟
وترميني وانا اشوف القبر نادى مسافاتي

وكسّرني الشتاء ياوليد وانت بداخلي دفيان
تحملت الاسى والهم عشانك يابعد ذاتي

وصحى بي البرد واللاهوب وانت بداخلي غفيان
تحملت السنين و يَ عسى الله يلملم شتاتي

انا امك ياهيــــــــــــــــــه امك حملتك والعذاب الوان
ولدتك والالم سكين يركز داخل لهاتي

وانا اثناء الولاده من بكى صوتك طعنت احزان
لاني شفتك بصوتك تنادي كل طموحاتي

ومهدتك فعين وعين يشرب حزنها القران
وهزيتك وكان النور يتهزهز من دعاتي

اضمك في يديني لااااتجي وتقول انا بردان
تركت البرد لـ ضلوعي رح أسأل رعشة شفاتي

وزولك من ركض فيني لمست بداخلي اوطان
وتركتك تبني بمجدك على أكتافي انكساراتي

وتذكر؟وتذكر يوم مدرستك صدى وكفوفنا الحرمان
وكانت رنته من فلس خنقته لك بـ شيلاتي

كبرت وصرت بعيوني شجاعن واشهم الفرسان
وحلفت اني على عرسك لارقص كل شيباتي

اسولف للبشر عنك اقول ولا به اي نقصان
رضع عز الشهامه شب طموحه في معاناتي

وله شان الصقر لا لا اخذ منه الصقر له شان
يجي مثل الوضوء لاطب حنينه فوق راحاتي

يقولون الولد هو خان؟ اقول وليدي لا ماخان !
وهم يدرون ماغطى منامي غير وناتي

افااااااااااا وشلون تتركني يكحلني عمى النسيان ؟
وانت ادري فيوم الحشر جنه تحت خطواتي

لك الله مانطق صوتي لك الا بدعوة الغفران
ولكن خوفي من حزني ومن دعوات عبراتي

تدين اليوم ياوليدي وباكر للاسف تندان
ويرمونك مثل امك وتذكر حلم شيباتي!

.
.