المشاركة الأصلية كتبت بواسطة روح شفافة

وعليكم السلام ورحمه الله وبركاته..

الله يوفقك اخوي وتكون من المقبوليين وييسرك الى التخصص الي ترتاح له..راح ابدأ بالاجابه على اسئلتك..

1/ هل قسسم الصيدله صعب من ناحيه الكيمياء ..؟

قسم الصيدله يعتمد على الادويه..والادويه اساسها كيميا..والكيميا متفرعه في دراستنا لو اطلعت على الخطه الدراسيه كيميا عامه وكيميا حيويه كيميا عضويه كيميا صيدليه ...إلخ
اذا انت ماتحب الكيميا وماتفهم فيه نصيحه لاتفكر في الصيدله لان اساسها كيميا..

/ هل الكيمياء هو مشابهه لكيميائنا بثنوياتنا ..؟
كيميا اول وثاني وثالث ثنوي هو الاساس..لان سنه اولى صيدله تدرس كيميا عامه وهي تتكلم عن الكيميا بشكل عام وهي تقريبا اعادة للمواضيع الي اخذناها بثنوي..فلا تتساهل فيها..وحاول من الحين تستوعب الكيميا..ترى هي حلوة لو فهمتها وممتعه..

3/ هل علم الادويه وعلم الامراض وعلم العقاقير .. هذول صعبين ولازم تحفظ اسماء الادويه بالحرف الواحد واسماء الامراض وكلهم اساميهم يلخبطون وزي كذا ؟؟

العقاقير درستها السنه الي راحت مادة حلوة ومتعبه في نفس الوقت تتكلم عن الاعشاب والنباتات الطبيعه الي يتم استخراج الادويه منها..اكثر من اسماء الادويه..تحتاج الى مذاكرة اول بأول وحفظ بكميات رهيبه..كل مواد الصيدله تحتاج مذاكرة وحفظ باول بأول..
علم الادويه وعلم الامراض ادرسهم هالسمستر ...وان شاء الله خير..

4/كيف نمط دراستكم .. هل كل موادكم في القاعه وشرح وهذره كييمياء ولا فيها شغل معمل وفيها مسائل كيميائيه رقميه وياليت تمثل ع كل ماده من مواد التخصص وطرق دراستها وتدريسها

لا طبعا اغلب المواد ندرسها نظري وعملي..مثلا العقاقير ندرس نظري النتبته ومكوناتها وكيفيه استخراجها وفائدتها ..إلخ..وفي المعمل نشوف انتبته ونفحصها فيزيائيا وتحت الميكروسكوب..


5/ انا سمعت ان دفعه هالسنه كانت لهم النسبه الموزونه 88 % وانا اخر دفعه اقبلتها فيصل هل هذا صحيح ..؟

أي صح كلامك..
6/ الي يبي يششور علي قسسم ياليت يسدحه هنا .. :)

ما اقدر اشور عليك انت تشوف ميولك والتخصص الي يريحك وأقدم عليه


مووفقه يارب واي إستفسار بالخدمه