السلاااااااااااااااام عليكم حبيت احط هذا الموضوع بين ايدكم اللي راح اتكلم فيه عن مرافق الكليه مبتدأ بالاهم ثم الاهم
طبعا ماراح اتكلم عن المباني الدراسيه راح اتكلم عن المباني الترفيهيه والمباني الاضافيه في الكليه
فخلونا نخذ جوله في كلية الجبيل الصناعيه :
السكن:
ينقسم السكن في كلية الجبيل الى فسمين السكن القديم والسكن الجديد لكل منها مزايا وعيوب- بس اهم شي انه مكان للراحه-
السكن الجديد: كل غرفه لشخصين فقط وتحتوي الغرفه على,سريرن,درج دولاب للملابس,درج لوضع الكتب,وبعضها فيها طاوله للمذاكره
بالنسبه لدورات المياه هناك هناك عدة دورات رئيسيه قريبه من جميع الغرف. طبعا لايوجد به تلفزيون - اقصد الغرف-وانما توجد صاله في اسفل المبنى للجلوس يوجد بها تلفزيون بس انواع الزحمه على
التلفزيون .
اما بالنسبه للسكن القديم:هناك غرف فيها ثلاثة اشخاص كل شخص له قسم يفصل بينهم ستاره_part_
وتحتوي على وسائل الراحه الاسره, والدواليب, ويمتاز هذا القسم بوجد تلفزيون في الغرف_ ومحطتهم
متوضعه لكن تفي بالغرض..
طبعا بالنسبه لي كان عندي موجود كروكي للسكن القديم لكن لما جيت اكتب الموضوع ضاع مني بس راح احطه اذا حصلته فورا.
المسجد: الحمدالله يوجد مسجد في الكليه يتسع لعدد كبير من الطلاب ميزة المسجد مفتوح 24 ساعه -
يعني اذا خويك سوالك ازعاج تقدر تروح تذاكر في المسجد .
المطعم: يوجد في كليه مطعم كبير ينقسم الى قسمين: الدفع الفوري ان صحت تسميته يعني تدفع حق الاشياء الي راح تأ خذها.
او مطعم بالاشتراك ان صحت التسميه: يعني تدفع 20 ريال وتحصل على كوبات تقدر تأخذ اي شي تبيه فقط 20 وهذا اوفر خاصه للطلاب الي جاين من مكان بعيد.
المكتبه: توجد مكتبه كبيره في الكليه تحتوي في الدور الارضي على عدة اجهزه يستطيع الطالب الجلوس
على النت فيها وعلى فكره_ بدون فلوس _ وكذلك قسم للصحف اليوميه- يعني تقراها كذلك بلاش .
اما الدور العلوي فهو مخصص للقراءه والمذكره بمعنى اذا تسوي ازعاج في المكتبه فوق او تحت
بتعرض نفسك للمشكله لذلك يجب الاتزام الهدوء وعدم استخدام الجوال داخل المكتبه.
الصاله المغلقه: يوجد صاله مغلقه مكيفه لمن اراد لعب كرة القدم وكذلك مسبح وملعب مفتوح.
اوه نسيت يوجد كفتريا في اغلب المباني الدراسيه يعني اللي يبي يفطر على السريع او يشرب بارد بس
فيها مشكله انها ماتفتح الا من الساعه 7:00 لانه المطعم مفتوح.
منقوووووووووووووووووووووووووووول للفائده