حبيبتي تشرب علـى الريـق ببسـي
اقرأوا هذا القصيدة الرائعة..
حبيبتي تشرب علـى الريـق ببسـي
واليا تعشّـت ماكلـت غيـر كتكـات
حبيبتي حطّت علـى العيـن ورْاسـي
وماتلبس الا من جديـد الموديـلات
دبدوبةٍ عـن كـل عـذرا تنّسـي
في حسنها قـد كلْبشتْنـي كلبشـات
احبهـا بـس الـعـرب ماتحـسّـي
والله يعيـن المبتلـي بالقصيرات
ياونتّـي ونّـات ســوّاق تكـسـي
زلّ النهـار وماحصـل لـه ريـالات
والا مريضٍ علّتـه شـي نفسـي
مافاد بـه كَـيّ العـرب والقـراءات
لاشفتها كنّـي مصـابٍ بمسّـي
مثل المهبّل قمـت اقطّـع إشـارات
وليا حكت كنّي من النـاس خرسـي
أطرش .. خرس .. لو دوّسنّه تريلات
فيها حلى الأسبان وعطـر الفرنسـي
وفيها دلـع لبنـان وعـز الإمـارات
حلوه مثل طعم الكـرز والجالكسـي
مخلوط بالسكّر معه خمـس تمـرات
لوما تزوج (عجرم) وجاب (نانسـي)
يحق لـي أتـزوج ( أبـلا عطيّـات)
لاقلت : شكراً ، قالت البنت : مرسي
بنت الأفندي ناظـرت لـي بغمـزات
يجلدني الاستـاذ لااهملـت درسـي
مايـدري أنـي واقـعٍ بالبنيّـات
ابكي واقول ان البلا كـان ضرسـي
يااستـاذ تكفـى لاتنقّـص علامـات
انا وقعت اليوم مـن فـوق كرسـي
ولاحصل لي مـن حبيبـي زيـارات
قالت: أنا ليلى ، وبسمّيـك : قيسـي
عطني شعر واعطيك ضحكه وبسمات
قالت: تجي لابـوي ثـمٍّ تمسّـي
بس المهر تاقـف عليّـا خفـارات!
قلت: اسمحي لي واعلني بـالmbc
تلقيـن غيـري يابنـيّـه حـثـالات
يشهد على ماقـول بيتـر وعبسـي
ونحّول ونامق بالرسـم والحراكـات
اليا حضرتوا يالربـع يـوم عرسـي
عنيّتـي منكـم كراتيـن كتـكـات