ملتقى طلاب وطالبات جامعة الملك فيصل,جامعة الدمام - عرض مشاركة واحدة - من المستوى الثاني المشرفة Ầ.Ł.₥.ầ.$.ặ, اهلا وسهلا بك

Ầ.Ł.₥.ầ.$.ặ · 2010- 11- 24

اقتباس:

المشاركة الأصلية كتبت بواسطة نورة الامورة

سؤال واحد بس كيف تذاكرين انا ماني عارفة كيف ابد ومن وين يعني عطينا بعض النصائح للمذاكرة وبذات الانجليزي الي مو فااهمه في شي

❀
طيب شوفي يالغلا ..

اول شي توكلي على رب العالمين وادعي انه ييسر لك المذاكره والفهم والحفظ ..

بعدها اطبعي المحتوى حق الماده من البلاك او جيبي الكتاب <---- حسب ماهو طالب الدكتور للمذاكره ..

افتحي المحاضره المسجله الاولى وبيدك المحتوى على المحاضره الاولى ..

وتابعي مع الدكتور جزء ورا جزء وفقره ورا فقره وانصحك فتحي عقلك كويس وركزي على اسلوب الدكتور في الطرح الشي الي يركز عليه والا يضرب عليه مثال اعرفي انه بيجي في الاختبار ..

وبيدك قلم اي شي قاله الدكتور مو موجود دونيه ..

بعد ماتنتهين من المحاضره خليها وشوفي غيرها اذا انتي حابه تخلصين عدد معين من المحاضرات ..

او عطي نفسك بريك فتره معينه من ساعتين الى 4 ساعات بعدها ارجعي للملزمه وذاكري قراءه وحفظ وفهم ..

خلصتي اتركيها وسوي كذا في كل المواد ..

قبل الاختبار ذاكري مذاكرة الاختبار واظمن لك على هذي الطريقه معدل فوق الـ 4,5 من 5 ..~

نصيحه لوجه الله ..

عطي نفسك حوافز ..

وفكري بأن الجامعه خير اكثر من انها شر ..

وتذكري انها فرصه جاتنا نعوض فيها الي فقدناه ( سواء كنتي تبغين الانتظام ماتيسر لك .. او جلستي سنوات بدون دراسه واتيحت لك الفرصه او اي شي عطلك عن الدراسه انتظام والألتحاق بالجامعه .. )

تذكري انها نعمه من رب العالمين وعن طريقها انتي بتاخذين شهاده ترفعين فيها راسك وبتكون سلاحك للأيام الجايه ..

لازم تكون عندك همه عاليه مهما تعرضتي لعقبات ..

وتأكدي ان للنجاح لذه لا تحرمين نفسك اياها ..

وفي الاول والاخير اسألي الله التوفيق ..

=)

لا تخافون ولا تخلون ارتباككم يأثر عليكم والي مابدأ يذاكر يعقلها ويتوكل من بدري ..

❀

بالنسبه لمادة الانجليزي اذا كان دكتوركم مايشرح بالعربي اطلبوا منه محاضره توضيحيه باللغه العربيه ..

هذا الي سووه الطلاب من قبلكم مع الدكتور السابق وقبل بالموضوع ..

اذا مامشى الحال يالغلا وحسيتي انك مره مره مو قادره تعدينها مالك الا تدورين لك مدرسه ..

والله يوفقكم جميعآ ويبلغكم ماتتمنون ..

=)