|
رد: كل مايخص ماده الرياضيات "
الليدي لا بالعكس سؤالك له داعي ونص 
بلاها الأمثلة بشرح لك نقطة نقطة
الفرق بين مربعين:
القاعدة تقول:
( الجذر التربيعي للأول - الجذر التربيعي للثاني ) ( الجذر الرتبيعي للأول + الجذر التربعي للثاني )
يعني بس تطلعين جذر الأول وجذر الثاني وبعدين مرة تكتبينهم بالسالب ومرة بالموجب
مثال:
حللي المقدار: 25 س2 ــ ص2
الحل: نطلع كل الجذور
25 جذرها 5 يعني ( 5 ضرب 5 = 25 هذا معنى جذر )
س تربيع جذرها س يعني تشيلين منها الأس
الـ ص تربيع جذرها ص برضو تشيلين منها الجذر
الحل: ( 5 س ــ ص ) ( 5 س + ص )
مرة نحط بينهم موجب ومرة نحط بينهم سالب وبسس 
ثالثاً: الفرق بين مكعبين
لو تحفظين القاعدة خلاص بتحلين أي مسألة فيها فرق مكعبين
القاعدة تقول:
( جذر الأول - جذر الثاني ) ( مربع الاول + جذر الأول ضرب جذر الثاني + مربع الثاني )
بالرموز : س3 ــ ص3 = ( س ــ ص ) ( س2 + س ص + ص2 )
مثال: حللي المقدار 8 أ3 - 125 ب3
باستخدام القاعدة = ( 2 أ ــ 5 ب ) ( 4 أ2 + 10 أ ب + 25 ب2 )
طيب هنا أول شي نطلع الجذر الثالث لكل الحدود
8 جذرها الثالث هو 3 لأن 3 * 3 * 3 = 8
الألف جذره انك تشيلين منه الأس ويصير أ
125 جذرها الثالث = 5
لان الخمسة لما تضربينها بنفسها 3 مرات = 125
الحين طلعنا الجذور تمشين عالقاعدة بالقوس الاول
حطي الأعداد والرموز بعدما تشيلين الجذور
ويطلع كذا: ( 2 أ ــ 5 ب )
ننتقل للقوس الثاني ( 4 أ2 + 10 أ ب + 25 ب2 )
هنا القاعدة تقول ( مربع الاول + جذر الأول ضرب جذر الثاني + مربع الثاني )
طيب مربع 2 = 2 * 2 = 4
مربع أ = أ تربيع
مربع 5 =5 * 5 = 25
مربع ب = ب تربيع
يعني القوس الثاني كذا: ( 4 أ2 + 10 أ ب + 25 ب2 )
الحد اللي بالنص اللي هو 10 أ ب
من القاعدة لما قال جذر الاول ضرب جذر الثاني
معليش شرحت عالسريع أي نقطة مافهمتيها علميني
بالنسبة للعامل المشترك حددي لي اللي مافهمتيه منها لأن في امثلة كثيييرة
وترى كنت بقول لك اختصارا روحي لملخص فرنسا
لان شرحها احسن وابسط انا لو بشرح بعقدها زيادة
بس عشان خاطرك حاولت أشرح بس لو تعقدتي زيادة
انطلقي الى ملخص فرنسا تيب 
|