|
رد: سمعت إنه بيكون في أسبوع تحويل .. صحيح و إلا ..!!
ريم الخبر حبيبه قلبي
بالاول ربي يوفقك باي قسم تدخلينه
ثاني شي كلام ضيائي صحيح
كليه المجتمع راح تدرسين فيها سنتين تدفعين لهم فلوس
اذا جبتي معدل خلوك اتكملين بكالوريس اذا ما جبتي قضبوك الباب
وراحت فلوسك هباء منثورا وفوق كذا سنتين من عمرك لانهم ما يعطونك حتى ورقه مكتوب فيها انك خريجه دبلوم
فنصيحتي اقعدي زي ما انتي و حاولي تروحين انجليزي
اما اذا مصممه حاسب فالابواب ترا مو مقفله بوجهك ادرسي دبلوم حاسب معترف فيه
وبعدين كملي في اي جامعه سنتين زياده بكالوريس اسالي اذا الجامعه العربيه المفتوحه عندهم ولا لا
لان الجامعه العربيه المفتوحه صارت معترف فيها اللحين
وبكذا درستي سنتين دبلوم وسنتين بالجامعه وتاخذين شهاده بكالوريس 
وفي النهايه لا اتسوين اي شي الا وانتي مستخيره
وموفقه يا بعدي 
|