|
رد: على البحــــــــــــــــر
ياهاجري خذني من الشوق لا اموت !!
تعال لملم مابقى من شتاتـي
ازعجت لك بالصوت قم جاوب الصوت
من قبل لا تسمع خبر عن وفاتـي
قلبي على لامالك مبري و منحوت
عليك تنهيده يجرح لهاتـي
وانته زلا بالبال لاهي ومبخوت
البعد ماسوى بحالك سواتـي
شفنـي من الفرقا مبهذل ومكبوت
فكري مشتت بس اهوجس واحاتـي
اخمخم اطيوفك مسفه ومبهوت
واجمع ملامح صورتك فى مراتـي
عليك تغريب الوله شاتنى شوت
خلانى اكره مابقى من حياتـي
صار بعيوني قوع حفره و تابوت
عندى تســاوت عيشتى مع مماتـي
غنيت لك من لهفتى عشرة بيوت
اسمع صدى صوتي و حقق مناتـي !!
تعال واحضنى " غلا " قبل ( لا اموت )
ارجع ولملم مابقى من ( شتاتـي ) ..
|