|
رد: انا قررت انسحب من مادة المحاسبه .. تعالوا واسوووني :(
تأكدي ان فيه مجال للحذف لاتلقينهم مرسبينك بالمادة لانك ماحضرتي الاختبار وتلاقين نفسك بمشكلة تخرب عليك
حسب علمي الخمس مواد اجبارية بالمستوى الاول مافيها مجال للانسحاب الا اذا غيروا مدري !!
ثاني شي اذا الدوام عندك صعب ومنتي لاقية وقت خلال الاسبوع استغلي يوم الجمعة وخلصي اكثر من محاضرة عشان تلحقين
المحاسبة وربي حلوة بس يبيلها تقعدين عليها وانتي مركزة ومصفية ذهنك لانها تعتمد على الفهم والتسلسل
احفظي القوانين و عندك تلاخيص محمد بوموزة الله يوفقه روعة اطبعيها وتابعيها اثناء متابعتك للمحاضرة راح تسهل عليك كثييييييييييييييير
واذا على التعب والله كلنا حالتنا حالة
انا وقسم بالله وقتي مشغول بدرجة ماتتخيلينها وصايرة متوترة و اعصب كثير و افتعل المشاكل لاتفه الاسباب 
هذا غير كرف البيت شغالتي سافرت الله ياخذها على اساس بترجع وغيرت رايها وقالت ماراح ارجع 
تخيلي الحياة كيف شكلها لما تكونين مسؤولة عن شغل اذا قصرتي فيه خربت الدنيا على راسك وبين بيت وكرف ولاعندك احد يساعدك واطفال يبيلهم اهتمام
حوووووووسة لها اول مالها اخر
وربي ما القى وقت انام مثل خلق الله اذا نمت 4 او 5 ساعات هذا انجااااااااز
اضغطي على نفسك وذاكري يوم اجازتك الاسبوعية سكري الباب على نفسك وخلي المذاكرة شغلتك
معليه كلها شهر ونص بتعدي على خير وبتنجحين وبتفوق بعد ان شاء الله بس ركزي واستغلي كل وقتك بالمذاكرة
واذا فيه مجال للانسحاب من مادة فعلا مثل ماقالولك
ليييييتك انسحبتي من الاقتصاد لانها مادة تخلي العقل ترللي 
يلا ربي يوفقك ويسهل عليك
|