المشاركة الأصلية كتبت بواسطة أسيرة الأمل

أفكر في كل شي حولي.. أفكر في مستقبلي اللي راح وسنين عمري وأحلامي اللي ماتت.. أفكر في أهلي اللي فقدوا الثقة فيني وصاروا حتى مايشجعوني زي قبل إلا بالعكس كل ماجيت بسوي شي قالوا لي مالوا داعي لي تعبين نفسك .. أفكر في الناس من حولي الكل قاعد يحبطني ويقول لي تزوجي أحسن لك بلا دراسة بلا وظيفة بلا هم وأنا حياتي أساسا دراسة أحسن نفسي ميتة.. تخيلي ناس كثير ينظرون لي على اني عانس وصاروا يجيبون لي خطاب وأنا أرفض.. اللي مستواه الدراسي مايناسبني واللي يبي يستغلني عشان ما أتشرط واللي واللي وفوق كذا أمي أحسها تبيني أوافق كله خايفة علي.. وأنا لحد الآن كله أرفض آخرهم كان ببداية رمضان.. والمشكلة رغم قناعتي لكني من كثر الضغوط بديت أصدق إني عانس وبعدين صرت أوسوس أقول ليش ما أوافق وأسافر مع زوجي برة أكمل دراستي وأرجع أقول وش اللي يضمني أنه يسمح لي أو حتى أموري تتيسر لي ومن هذا الكلام.. هذا غير المشاكل العائلية اللي أشوفها قدامي وش أقول وش أخلي..