ملح العذر لو يمر بدرب زلاته
عين الخطا ينتثر فيها ويعميها
واللي يكابر وعذره يجرح إلهاته
قدام عينه حصى الفرقا نرميها
جرحي من أيام ياخذني بآهاته
وأنفاس الأيام تطويني وأطويها
تعبت أطوف وصدري ضاق بسكاته
عوجا تجيني أعدلها وأمشيها
رح له وقله معي ياكبر غلطاته
نارُ تشب المحاني وأنثني فيها
الدرب قدام لو طالت مسافاته
وبعض النوايا إليا نامت أنصحيها
لو كان وقته يغره بأبتساماته
دورات الأيام لا يامن بلاويها
طيش الليالي يذبه في متاهاته
ويجيه منهو على مثله يدربيها
تضيع بعض الملامح في مراياته
يجمع شتات الرفاقه ما يلاقيها
وجه التشابه على فكره ونياته
يعنها للدروب العوج راعيها
حشمت نفسي ودربي بأتجاهاته
روح الكرامه تغذيني وأغذيها
ماشي مع الدرب لو تكثر مطباته
شوحات رجلي بعيده في خطاويها
قله من الدين لو يحرم ميقاته
بين الصلاتين مايسجد مصليها
الداب بالخرج لايامن لدغاته !.
واللي يجيب السوالف له يوديها