|
ابغى اسجل فمنتدى جامعة الملك فيصل ماني قادرة
مرحبا للكل
قدر الله لي ومنذ الصغر الهجوله في مدن مملكتنا الحبيبه وواورثت الهجوله لابني البكر 
ماعلينا حختصر كلامي انا ام لطالب خريج هادي السنه من مدينه جده قدم فكل مكان مانكتبلو قبول الا في الزلفي والاحساء
ولاني اتفائل بالمدن القريبه من البحر قلتلو سمي وخد الاحساء
بلكن ربي يكتبلك فيها الخير
عمومن عندي اساله كتيرة اتمنى الاقي اجابات عليها
اولن ابغى اسجل فمنتدى جامعة الفيصل ماني قادرة ياليت احد يساعدني
شيء تاني احنا من سكان جده وولدي حيكون مغترب في الاحساء بين اهلو وناسو بس محنا عارفين متى الافضل يروح يستاجرو بيت واحسلو شقه ولا سكن ولو استاجر يحاج سياره عشان يروح جامعتو ولا لا
كمان محتاجه لمدرسين خصوصين رياضيات واحصاء الي عارف يقلي عليه ويزودنا بارقامو
اخر شيء ممكن احد يقولي على احسن المواد الي ينزلها فجدولو عشان هوا ناوي يحول بعد مرور ترمين فحابين يترتب جدولو مواد عامه ترفع معدلو
ياليت خريجين 2008 يساعدوني :praying:
تقبلو شكري مع تتنمياتي القلبيه انو تساعدوني وتجاوبو على اسالتي
|