ملتقى طلاب وطالبات جامعة الملك فيصل,جامعة الدمام - عرض مشاركة واحدة - هـــــــــــل مـــــــــــــن مـــــــــجـــــــــيــــــــــــبــــــــ ؟؟؟؟!!!

Chocolate Cake · 2008- 9- 20

اقتباس:

المشاركة الأصلية كتبت بواسطة because

ليه ماااسجلتي بجامعات الحكومه ؟؟
كان ممكن تدخلين جامعه الملك فيصل ..وتكونين طالبه مميزه وناجحه ..
وبعدها تواااصلين دراستك للماجستير ..

ممكن تطلبين بعثه للخارج ..
ممكن تسجلين ببرنامج التوظيف الخاص بأرامكو .. وتتوظفين مده معينه ..وتجمعين تكاليف الجامعه ..
وبعدها تدخلينها ..

فيه فرص كثيره تحققين حلمك فيها ..
وهالشي مثل ماقلت لك .. بيدك انتي ..

..

برغم ان كلامكم صحيح .. وفيه منطق شوي

إلا اني لما وصلت لهذي النقطه ابتسمت ابتسامه ساخره غصبا عني ..

وانا آسفه ما اقصد اني اسخر منك .. ولكن كلامك يضحك شوي ..

البنت الحين ايش جالسه تقول ..

أو خلينا من البنت ..

نجي لآآآلااااااااف البنات اللي جالسيين ببيوتهم ولا لاقين جامعه تحقق طموحاتهم ولا فلوس يدرسوا فيها على حسابهم ..

تقولي جامعات الحكومه ؟؟ ليش جامعات الحكومه من متى صارت تقبل عالأقل نص البنات هذا اذا مو ثلاثة ارباعهم ؟؟

وما قلتي إلا جامعة الفيصل !!!

الجامعه اللي البنت لما تجيب 99.90% تتوقع بنسبة 50% انها لا تقبل فيها ..

ولو قبلت .. اكييييد مو من ضمن اختياراتها ولا طموحاتها ..

انا معك في انها تبدأ من الصفر ..

لكن مو لبنات جايبين نسب فوق الـ 99%

مو حرام اللي جايبه هالنسبه تدرس دبلوم انجليزي .. هذا اللي ياخذونه بـ 1000 ريال في معاهد العالميه ..

حياتنا هالأيام تتطلب منا شوي من الواقعيه .. مو كلام منمق ومصفف وعالفاضي ..

هذا هو الواقع .. اللي البعض يتغاظى عنه

وإلا بعدين تقولي لي برامج ارامكو .. أي برامج هذي اللي عند ارامكو للبنات غير الـ CBC ؟؟

وكل سنه ما ياخذوا إلا 300 طالبه من المملكه كلها ..

اما عن برنامج الـ ITC فهذا بس للأولاد .. وهذا مو جامعه .. دراسه سنتين وبعدين شغل اما سيكيوريتي او مصلح معدات وهو ممتاز للأولاد ..

وعموما ارامكو ما تقبل الا اللي جايبين نسب عاليه جدا جدا في اختبار القدرات واختبارها .. يعني القبول فيه صعب مره مره ..

والله ماكنت ابي افتح هالموضوع .. لأني من كثر ما يقهرني هالموضوع ما حاولت اقدم في ولاا مكان عام ..

مابي انصدم مثلي مثل عشرات الآلاف ..

بس حالها ذكرني بناس واجد اعرفهم ..

عموماً اختي جامعه ..

لا تحطي ببالك جامعة الأمير محمد بن فهد .. لأن رسومها غاليه بالنسبه لباقي الجامعات داخل السعوديه وبرا ..

لأن هذي الرسوم تقدري تدرسي فيها طب لمدة سنتين ..

والبعثات اللي فيها على حد علمي انها لمدة سنه بس يعني ما تضمني انك تنقبلي فيها كل سنه .. وحرام تضيع عليك السنين اللي درستيها ..

والله مو عارفه ايش اقولك وبأيش انصحك .. تقولي ما عندك فلوس تدرسي وانا مابي احبطك اكثر ..

بس حاولي انك تسجلي بكل مكان مو بس الجامعات ..

ماقدر اقولك شي .. إلا .. الله يفرجها عليك وعلى كل البنات يااارب ..