ملتقى طلاب وطالبات جامعة الملك فيصل,جامعة الدمام - عرض مشاركة واحدة

نجۅۅ♥ۅۅاڼـ, · 2010- 12- 3

اقتباس:

المشاركة الأصلية كتبت بواسطة بدر الخالدي

السلام عليكم والرحمه
أخت نجوان حبيت اسألك اذا
في مكتبة في جده تحتوي عالملازم والمحاضرات
والله يسعدك اش حكاية ال 30 درجه وكمان الواجبات
كيف أحلها أول مره أدخل المنتدى وماعندي فكره عن
منتدى الحوار دخت وأنا أدور عليه
أفيديني وجزاك الله خيرا"

[align=center]

هلا عليكم السلام
والله ماعندي فكرة اذا احد صور الملازم ونزلها في جدة

لو الافضل تسأل في المنتدى لأهل جدة يمكن احد يفيدك

ولو تقدر تنزل المدينة انا منزله الملازم كاملة وتصورها

اما سؤالك على حكاية الـ30 درجة وكيفية حل الواجبات الاخت حفراوية يسعدها جاوبتك في الرد اللي قبلي

بس بقي الـ 10 الدرجات الاخيرة للمشاركة في منتدى الحوار بكتابة كم موضوع والرد على كم مشاركة
وحوضحلك هي بالتفصيل المصور

منتدى الحوار موجود في نفس البلاك بورد
ادخل على اي مادة انت تبغى تشارك فيها
حتلقى يمين القائمة - منتدى الحوار -

اضغط عليه

حتجيك 3 اقسام ( تكفي لو دخلت قسم واحد بس وعملت فيه موضوعين على كم رد)

حتجيك صفحة زي كدا ( فيها المواضيع المتعلقة بالمادة)

نجي نشوف كيف تعمل موضوع
تابع الصور...

كدا خلصنا من انشاء موضوع

كيف نرد على موضوع شخص؟؟

تفتح اي موضوع حابب ترد عليه
وبس تضغط على زر رد ..و تكتب ردك وبعدها ارسال

وبكدا كتبت موضوع وشاركت برد

واي حاجة ماوضحتلك قولي

[/align]