يوفقكم ربي
كل شي بيدك انتي ...
ناس تدخل الدوره وتجلس مفهيه ولا تستفيد منها ...
انتي خذي لك كتاب ..
واجلسي اقري فيه وتعودي على الاسئله وصياغتها فقط علشان لا تتفاجئين
وراجعي اساسيات الرياضيات كل شي سويه بنفسك ولا تتكلي ع الدورات
بين قوسين ( انتي سوي دوره لنفسك )
وقبل كل شي توكلي على الله واختبري
وعندك كثيررررر مواقع بالنت
بس اكتبي بقول اختبار القدرات
ويطلعلك اسئله واختبارات وطريقة استعدادك والاساسيات اللي لازم تعرفينها
هذا بالنسبه للقدرات
هذا يصير مرتين لبنات ثالث ( على حسب دفعتي اللي هي 1431 هـ )
مره قبل الاختبارات النهائيه
والمره الثانيه يكون قدرات + تحصيلي
اما التحصيلي فهو من معلوماتك وتحصيلك الدارسي فترة الثانويه
ممكن بس تسوي مراجعه للمعلومات
( وفي مواضيع بالمنتديات ملخصين تحصيلي الثلاث سنوات ثانيوه بموضوع سؤال وجواب بكل المواد ) < اذكر اني جلست اذاكر منه قبل الاختبار
وبالتحصيلي راح تكون معلومات اساسيه وبسيطه
من ضمن الاسئله اللي جاتني
جابو صورة الزهرة ومأشرين على كذا مكان فيها
والسؤال : اي منها يشير الى الطلع
يعني معلومات بسيطه واساسيه كذا ..
واهم شي نصيحي لكل الطلاب :ـ
التهيء للاختبار بشهر قبل موعده
+
الراحه النفسيه في الاختبار وعدم الارتباك
لايغركم الوقت < ترا بهعض الاسئله تافهه تنحل بثواني ويبقى وقت كثير للاسئله اللي يبي لها تفكير
وفي بعض الاقسام انتهيت قبل انتهاء الوقت والله ...
___________
وثاني شي بالنسبه للتسجيل اللحين توكم بالفصل الدراسي الاول
الفصل الثاني المدرسه بيعلمونكم بكل شي
بيعطوكم كتيبات وهم بيسوون لكم البطاقه الذكيه
انتم ماعليكم الا تسجلو بالموقع
وانتبهو لاتسوو غلطتي ..
ماسجلت الا ع النهايه وتبهذلت لين ماحصل لي كرسي
اول مايفتح التسجيل علطووول سجلو
وبالتوفيق للجميع