|
رد: أسئله عن الاختبار والتداخلات
وسع صدرك
انت كل اسبوع من بكره السبت ذاكر لك ماده
وبالنسبه للجدول لاتستعجل ياخبر اليوم بفلوس بكره ببلاش
المهم وانا اختك بالنسبه للمواد ومذاكرتها تعتمد على التركيز بس
شف عندي طريقه وبحاول اسويها من بكره السبت لين يجي موعد الاختبار
من ترجع من دوامك طال عمرك تغدى وعين من الله خير وصل العصر وسو لك كوب شاي بالنعاع يعدل مخك
وبعدين افتح الاداره وشف يالكتاب يالملخص واقرى قرايه وخذ معلومات وركز بقرايتك هذا اذا انت علمي
اما اذا ادبي عاد احفظ صم واهم شي يكون جنبك مذكره تكتب فيها النقاط المهمه
طبعا بعد صلاه المغرب ارتاح
وبعد صلاه العشاء افتح برضو المذكره الى الساعه 10 وبكذا تنتهي على الاقل من كم محاضره لهالماده
يعني لو على الحال هاذي صدقني بالاسبوع بتختم منهج الاداره 3 مرات
ان شاء الله ساعدتك بشي يفيدك
وبالنسبه للقروبات اللي تقول عليها بالبلاك بيري ماادري عنها
اصلا ماعندي بلاك بيري ههههههههههه ماحبه
اي سؤال انا حاضره
مع تمنياتي القلبيه بالتوفيق الدائم
والنجاح المستمر
لكم خاصه طلاب وطالبات اداره اعمال
الله يوفقنا اجمعين
|