ملتقى طلاب وطالبات جامعة الملك فيصل,جامعة الدمام - عرض مشاركة واحدة - قواعد ضروريه في ماده الأقتصاد الجزئي ...اسهل الطرق للنجاح باذنـ الله

لــوســي · 2010- 12- 4

اقتباس:

المشاركة الأصلية كتبت بواسطة سيدة الأسئلهـ

لوسي كفك سألتي سؤال وجاوبتي عليه بنفس الوقت

صح عليك بيقعدون يسولفون ويضيعون الوقت وماراح ينتجون شي

شوفي القانون الي جبتيه

كلما زدنا في عنصر العمل فوق ماتحتاجه العملية الأنتاجية كلما زاد الناتج الكلي وأنخفض الناتج الحدي
وفي نهاية الأمر يصل الناتج الكلي الى وضع ثابت ثم يتناقص ..

خلينا نشرح هالقانون بمثال المطبخ اللي جبتيه وترا مثالك صح وخطير بعد

لنفترض انو عندنا شغالة اسمها سيدة >> بسم الله علي

مثلا سيدة المسكينة كانت تكرف بالمطبخ لوحدها وماكانت تنجز شي
لان اليد الوحدة ماتصفق فطلبت شغالة ثانية تساعدها ولبوا طلبها
وجابو شغالة اسمها ريموو
الحين سيدة صارت تغسل المواعين وريموو صارت تطبخ
بس الشغل كثير ومايقدرون عليه لوحدهم فاستعانوا بشغالة ثالثة تمسح الأرضية واسمها أشواق
وصاروا سيدة و ريمو و أشواق يكرفون ليل نهار بالمطبخ
والشغل مقسم كل وحدة لها شغلة خاصة فيها تنجزها بوقت قياسي
مع مرور الأيام زادوا الشغالات ثلاث لوكجوري و الليدي و طالبة مفهية
طبعا الثلاث ذولا كانوا زايدين عن الحاجة يعني ماكان المطبخ يحتاجهم وبما انهم فاضيين قاموا يقرقرون على راس الشغالات اللي يشتغلون وصاروا يعيقون العمل ويسببون تاخير للشغل وزحمة بالمطبخ وبكذا كان إنجاز الشغل بطيء جدا وهنا قررت صاحبة البيت تطرد كل الشغالات عقابا لهم وسفرتهم وبقت سيدة لوحدها تكرف بالمطبخ والشغل تراكم عليها
>> سندريلا على غفلة ههههههههه

ولهذا السبب زيادة العمال عن الحاجة يسبب تعطيل وتقليل لحجم الانتاج
شوفي بالبداية يوم زادوا شغالتين زاد الانجاز وكان كل شي تمام لكن يوم جات الشغالة الرابعة انقلب الوضع وقلت كمية الانجاز بسبب الزيادة عن الحاجة

أتمى تكون المعلومة وصلت ويعذروني البنات اللي استخدمت اسماؤهم

تراه مجرد مثال محد يزعل

.

.

ههههههههههههههههههههههههههههههههههههههههههههه

أما مثال ..وشرح وافي وكافي ..

معقوله يكون هذا تفسير تناقص الغلة ..

والله ياسيدة الأسئلة كنت أمزح وماتوقعت يكون التفسير صحيح أبداا

بس من جد هالمعلومه ثبتت في مخي وأن شاء الله يجيب لنا منها 10 أسئله ..

أحس فهمتها زيين ..

يالله نبي أمثله كذا على كل الكتاب .. وتكون مبسطه ومسهله ومن حياتنا اليومية ..

عشان نفهم الأقتصاد ..

شدووواا حيلكم ..