حبيبي وسع الخاطـر وريـح بالغـرام البـال
مدام " الريم " تعشق عيونـك ريحـه بالـك
أحبك كثر ما وبل المطر فـوق الثـرى همـال
أحبك كثر ماشفت الطفـل فـي قلبنـا سالـك
أحبك كثر ما صدر السماء يلمـع نجـوم ليـال
أحبك كثر ما اتخيـل ليالـي عشـق تحلالـك
أحبك كثر ماشاف البشر في هالزمـان أهـوال
أحبك كثر ما قلبي خفـق بالعشـق و اهوالـك
أحبك كثر مـا يبنـي شبـاب المملكـه آمـال
كثر ما خابت الامال أحـب و أعشـق آمالـك
احبك كثر ما شعـب العـراق يغنـي المـوال
كثر ما تقول أنا أحبك غرامي عـزف موالـك
أحبك كثر ما تشفـق عقيـم لشوفـة الاطفـال
كثر ما تعشقك "أمك " كثر مـا تعشـق عيالـك
تسافر موجة الشاطي و ترجع تسكن ب ه الجال
و اسافر وين ما اسافر مـردي ارجـع لجالـك
تخيل من كثر عشقي إذا تمشي بسطـح رمـال
ورب الكون يطرى لي أنا اتيمـم مـن رمالـك
و إذا توقف أحس الارض توقف دورة الاميـال
لأن الارض في مشيك تـدور بخطـوة اميالـك
فديتك من هنا لآخـر تفاصيـل التعـب و الال
فديته مبسمك / طولك / عيونك / رزة عقالـك
فديت حروف تنطقها .. تهبـل أعقـل العقـال
و صوتك يومك تسولف تثيـر جنـون عقالـك
أنا اكثر بنت محظوظه لانـي عاشقـة رجـال
خذت منه الرجوله قول / يوازي فزعة افعالـك
أجل وشلون ما تبغـى .. افـز لدقـة الجـوال
و أنا و الله أمان الكون اشوفه برقـم جوالـك