|
رد: اللي مقبولين في الطب حياكم خلونا نستفيد من بعض!!
هشوف الأخوات محتلين المكان :mh19:
بالنسبة للإنجليزي
بقولكم بصوتي العالي :
لا تخافون لا تخافون لا تخافون
صحيح أنكم بتواجهون صعوبة في الإنجليزي في البداية ... وخاصة بتلقون كلمات كثيرة جديدة عليكم وبعد الدكتور يشرح بالإنجليزي ويمكن ما تفهمون شيء ....
بس صدقوني بس سنة أولى بتشوفون هالصعوبة واشوي من سنة ثانية .. وبعدها بتلاحظون أن الإنجليزي يصير شيء عادي ما يشيل هم أبدا أبدا ... اللي يشيل هم فقط دراسة المواد (( وأنتم قدها  ))
لأن هذي الكلمات الجديدة بتمر عليكم آلاف المرات بتحفضونها وبتعرفونها ... وشرح الدكتور بتفهمونه مع الأيام ((( حتى أذكر في سنة ثانية كانوا يدرسونا باكستانيين ... أولها كنا ما نفهم شيء من اللي يقولونه بس مع الأيام صار كلامهم سهل كأنهم يتكلمون عربي )))
أضمن لكم أنكم بتعرفون تفهمون وتعرفون تسمعون وتعرفون تدرسون إنجليزي وأتحدى أي واحد ما يعرف هالأشياء
أما التحدث بالإنجليزي فهذا شيء ثاني ... فهذا بالممارسة وبيدكم أنتم ... والله أنصحكم أنكم تتعلمون كيفية التحدث خارج الدراسة .... يعني تاخذون كورس تمارسون اللغة بالخارج ((( أدري بتقولون لي وين نمارسها :bngo12: ))) ... المهم شوفوا حل
بالنسبة لي التحدث مب لهناك ... يعني على قدي .... بس أبي أصير أفضل من كذا... وأتمنى منكم أنكم تتحدثون جيدا تكون على استعداد للسنوات السريرية ((( مو مثلي ما مارست ولا هم يحزنزن ... ))
نصيحة مهمة جدا جدا جدا :::
استغلوا السنوات الثلاث الأولى من الدراسة وخاصة السنة الأولى ... لأنها السنوات اللي بتحصل فيها درجات ويرتفع معدلك فيها .... لأن يجي بعد هالسنوات السريرية وصعب فيها أنك تحصل درجات
بقول لكم هالكلام لأان المعدل مهم في النهاية على الأقل ما يقل عن جيد جدا (( 3.75 )) ... ولأني تحسفت وأقول في نفس علوي أستغلت السنوات الأولى عدل :praying:
يالله وتمنياتي لكم بالتوفيق ... وتصيرون أطباء تفخر بكم الأمة
والسلام
|